Өрхийн болон байгууллагын хэрэглэгч буюу эцсийн хэрэглэгчид интернэтийн үйлчилгээ үзүүлэх этгээд нь харилцаа холбооны үйлчилгээ эрхлэх тусгай зөвшөөрлийг интернэтийн үйлчилгээ эрхлэх хүртээмжтэйгээр  авсан байна.

Интернэтийн үйлчилгээ эрхлэх тусгай зөвшөөрөл эзэмшигч нь Харилцаа холбооны зохицуулах хорооны 2024 оны 143 дугаар тогтоолоор баталсан  Харилцаа холбооны үйлчилгээ эрхлэх тусгай зөвшөөрлийн нөхцөл, шаардлага (Интернэтийн үйлчилгээнд)-ыг үйл ажиллагаандаа дагаж мөрдөнө.

Харилцаа холбооны тухай хуулийн 12.4-д харилцаа холбооны сүлжээ байгуулах, түүний ашиглалт үйлчилгээ эрхлэх тусгай зөвшөөрөл эзэмшигчид харилцаа холбооны үйлчилгээ эрхлэх тусгай зөвшөөрлийг зөвшөөрлийг олгохгүй байхаар зохицуулсан байдаг.

Баримт бичиг:

Харилцаа холбооны зохицуулах хорооны 2024 оны 06 дугаар сарын 27-ны өдрийн143 тоот тогтоолын хавсралтаар баталсан Харилцаа холбооны үйлчилгээ эрхлэх тусгай зөвшөөрлийн нөхцөл, шаардлага (Интернэтийн үйлчилгээнд)

Хэрвээ та тусгай зөвшөөрөл авахаар ХХЗХ-нд хандах гэж байгаа бол дараах зөвлөмжийг анхаарна уу.

1.    Хууль, журам, нөхцөл шаардлагыг судлах

Та харилцаа холбооны чиглэлээр үйл ажиллагаа эрхлэх гэж байгаа бол юуны өмнө холбогдох хууль, журам, тухайн чиглэлийн зохицуулалт, нөхцөл шаардлага, төлбөрийн хэмжээтэй (зохицуулалтын үйлчилгээний хөлс) танилцах шаардлагатай.

2.    Материал, холбогдох нотлох баримтыг бүрдүүлэх

Тусгай зөвшөөрөл олгох тухай журмын дагуу тусгай зөвшөөрөл хүссэн албан бичиг бичиж, өргөдлийн маягтыг бөглөн шаардлагатай баримт бичгүүдийг бүрдүүлнэ.

Жич: Тухайн сүлжээ болон үйлчилгээнд радио давтамж ашиглах бол радио давтамж ашиглахтай холбогдсон нэмэлт материал бүрдүүлнэ. (маягт)

Өргөдлийн маягтыг бөглөхдөө харилцаа холбооны үйлчилгээ эрхлэх зорилго, хамрах хүрээ, ашиглах техник, технологи зэргийг дэлгэрэнгүй, ойлгомжтой, шударгаар бичиж, шаардлагатай нотлох баримтуудыг бүрэн бүрдүүлбэл мэргэжилтнүүд дүгнэлт гаргахад хялбар болох ба таны тусгай зөвшөөрлийг түргэн шуурхай шийдвэрлэхэд туслах болно.

Тусгай зөвшөөрлийн материалыг бүрдүүлэх явцад утсаар, мэйлээр, биеэр ирж уулзах зэргээр холбогдох мэргэжилтнүүдээс зөвлөгөө авч болно.

Харилцан холболтын болон сүлжээнд холбогдох зохицуулалт нь Дэлхийн худалдааны байгууллагаас гаргасан Зохицуулалтын зарчимд тулгуурладаг бөгөөд шударга өрсөлдөх нөхцөл бүрдүүлэх зохицуулалтын нэг гол хүчин зүйл гэж үздэг.

Харилцаа холбооны тухай хуулийн 3 дугаар зүйлийн 3.1.18, 3.1.19-д “харилцан холболт”, “сүлжээнд холбогдох” харилцааг тус тус тодорхойлсон

Харилцаа холбооны тухай хууль:

3.1.18.“харилцан холболт” гэж хоёр үйлчлэгчийн сүлжээ хоорондын холболтыг;

3.1.19.“сүлжээнд холбогдох” гэж үйлчлэгч нь өөрийн үйлчилгээг хэрэглэгчид хүргэх зорилгоор сүлжээ бүхий үйлчлэгчийн сүлжээнд холбогдохыг;

Сүлжээ хооронд харилцан холболт хийх, сүлжээнд холбогдох гэрээний ерөнхий нөхцөл, орлого хуваарилах журмын холбогдох зохицуулалт:

Сүлжээ хооронд харилцан холболт хийх, сүлжээнд холбогдох гэрээний ерөнхий нөхцөл, орлого хуваарилах журам:

2.3.Харилцаа холбооны үйлчлэгч нь өөрийн сүлжээнд холбогдох гэрээний нөхцөлийг (RIO-Reference Interconnection Offer) боловсруулан Зохицуулах хороогоор хянуулан баталж өөрийн веб хуудсанд байршуулах бөгөөд дараах мэдээллийг тусгасан байна. Үүнд:

2.3.1. Тухайн сүлжээнд холбогдох технологийн стандарт, горим, нөхцөл шаардлага;

2.3.2. Зааглах цэгийн байршил;

2.3.3. Сүлжээнд холбогдох төлбөр тооцооны мэдээлэл;

2.3.4. Гэрээ хийх үйл ажиллагааны нарийвчилсан мэдээлэл;

2.3.5. Гэрээний загвар.

Журмыг татаж авах

“Сүлжээ хооронд харилцан холболт хийх гэрээний ерөнхий нөхцөл, орлого хуваарилах журам”-ын 2.3-д заасны дагуу үйлчилгээ эрхлэгч нь өөрийн сүлжээнд холбогдох гэрээний нөхцөлийг боловсруулан Зохицуулах хороогоор хянуулан баталж, өөрийн вэб хуудсанд байршуулах үүрэгтэй.