Телефон ярианы үйлчилгээ нь харилцаа холбооны үндсэн үйлчилгээнд тооцогддог. Зохицуулах хорооноос харилцаа холбооны үйлчилгээ эрхлэх тусгай зөвшөөрлөөр телефон ярианы үйлчилгээг хүн, хуулийн этгээдэд үзүүлэх боломжтой. Олон улсад телефон ярианы үйлчилгээг ашиглаж буй технологиос хамааруулан суурин телефон холбоо, үүрэн телефон холбоо гэж төрөлжүүлэн зөвшөөрөл олгодог.

Телефон ярианы үйлчилгээ эрхлэгч нь Харилцаа холбооны тухай хуулийн 9.1.9, Харилцаа холбооны зохицуулах хорооны 2021 оны 12 дугаар сарын 17-ны өдрийн 74 тоот тогтоолын хавсралтаар баталсан “Харилцаа холбооны сүлжээний дугаарын ашиглалт, үйлчилгээг бүртгэхтэй холбогдсон журам”-ын дагуу хуваарилан олгосон сүлжээний дугаарыг үүсгэн ашиглана.

Үүрэн холбооны технологи ашиглан ярианы үйлчилгээ хүргэх бол Монгол Улсын Радио долгионы тухай хуулийн дагуу радио давтамж ашиглах тусгай зөвшөөрлийг мөн авах шаардлагатай.  

Баримт бичиг:

1.    Харилцаа холбооны үйлчилгээ эрхлэх тусгай зөвшөөрлийн нөхцөл, шаардлага (Телефон ярианы үйлчилгээнд)

2020 оны 4 дүгээр сарын 29-ний өдрийн 23 дугаар тогтоолын 1 хавсралт: ХАРИЛЦАА ХОЛБООНЫ ҮЙЛЧИЛГЭЭ ЭРХЛЭХ ТУСГАЙ ЗӨВШӨӨРЛИЙН НӨХЦӨЛ, ШААРДЛАГА (Телефон ярианы үйлчилгээнд) (legalinfo.mn)

2.    Харилцаа холбооны сүлжээний дугаарын ашиглалт, үйлчилгээг бүртгэхтэй холбогдсон журам

Харилцаа холбооны зохицуулах хорооны 2021 оны 12 дугаар сарын 17-ны өдрийн 74 тоот тогтоолын хавсралт: Эрх зүйн акт дэлгэрэнгүй (legalinfo.mn)

3.    Сүлжээ хооронд харилцан холболт хийх, сүлжээнд холбогдох гэрээний ерөнхий нөхцөл, орлого хуваарилах журам  Харилцаа холбооны зохицуулах хорооны 2021 оны 5  дугаар сарын 14-ний өдрийн 33 тоот тогтоолын хавсралт: Эрх зүйн акт дэлгэрэнгүй (legalinfo.mn)

1.    Эрх зүйн акт

Харилцаа холбооны чиглэлээр үйл ажиллагаа эрхлэхтэй холбоотой Монгол Улсын холбогдох хууль тогтоомжууд, тус хорооноос баталсан дүрэм журам, нөхцөл шаардлага:
Салбарын хуулиуд:

·         Харилцаа холбооны тухай хууль

·         Зөвшөөрлийн тухай хууль

Баримт бичгүүд:

·  Харилцаа холбооны үйлчилгээ эрхлэх  тусгай зөвшөөрлийн нөхцөл, шаардлага  (Телефон ярианы үйлчилгээнд)

· Харилцаа холбооны үйлчилгээ эрхлэх  тусгай зөвшөөрлийн нөхцөл, шаардлага  (Интернэтийн үйлчилгээнд)

Журмууд:

·         Харилцаа холбооны сүлжээний дугаарын  ашиглалт, үйлчилгээг бүртгэхтэй холбогдсон  журам

·         Харилцаа холбооны салбарын үйлчилгээний үнэ тарифыг хянах журам

2.    Материал, холбогдох нотлох баримтыг бүрдүүлэх

Тусгай зөвшөөрөл олгох тухай журмын дагуу тусгай зөвшөөрөл хүссэн албан бичиг бичиж, өргөдлийн маягтыг бөглөн шаардлагатай баримт бичгүүдийг бүрдүүлнэ.

Жич: Тухайн сүлжээ болон үйлчилгээнд радио давтамж ашиглах бол радио давтамж ашиглахтай холбогдсон нэмэлт материал бүрдүүлнэ. 

Өргөдлийн маягтыг бөглөхдөө харилцаа холбооны үйлчилгээ эрхлэх зорилго, хамрах хүрээ, ашиглах техник, технологи зэргийг дэлгэрэнгүй, ойлгомжтой, шударгаар бичиж, шаардлагатай нотлох баримтуудыг бүрэн бүрдүүлбэл мэргэжилтнүүд дүгнэлт гаргахад хялбар болох ба таны тусгай зөвшөөрлийг түргэн шуурхай шийдвэрлэхэд туслах болно.

Тусгай зөвшөөрлийн материалыг бүрдүүлэх явцад утсаар, мэйлээр, биеэр ирж уулзах гэх мэтээр холбогдох мэргэжилтнүүдээс зөвлөгөө авч болно. 

3.    Харилцаа холбооны зохицуулах хороонд хүсэлт гаргах

Хүсэлтийн иж бүрдлийг албан бичгийн хамт Харилцаа холбооны зохицуулах хорооны хаягаар ирүүлнэ. Хаяг эндээс харна уу. 

Хороо нь дүрмийн дагуу сард нэгээс доошгүй удаа хуралдаж, тусгай зөвшөөрөл олгох эсэх тухай шийдвэр гарснаас хойш ажлын 3 хоногийн дотор өргөдөл гаргагчид бичгээр мэдэгдэнэ.

Харилцаа холбооны тухай хуулийн 14.2, Радио долгионы тухай хуулийн 11.2.2-д заасан үндэслэлээр тусгай зөвшөөрөл олгохоос татгалзах ба энэ тохиолдолд хариу тайлбарыг бичгээр өгнө.

Тухайн сүлжээ, үйлчилгээнд радио давтамж ашиглах бол сүлжээ, үйлчилгээний тусгай зөвшөөрөл нь радио давтамж ашиглах тусгай зөвшөөрлийн хамтаар шийдвэрлэгдэнэ.

4.    Гэрээ байгуулах, төлбөр төлөх

Тусгай зөвшөөрөл олгосон тухай шийдвэр хүлээн авсан бол тусгай зөвшөөрөл хариуцсан мэргэжилтнээс тусгай зөвшөөрлийн гэрээний төсөл, орлогын нягтлан бодогчоос зохицуулалтын үйлчилгээний хөлс болон улсын тэмдэгтийн хураамжийн төлбөрийн нэхэмжлэлийг авна.

•           Төлбөр

Тусгай зөвшөөрөлд Хорооны дарга гарын үсэг зурж, тамга даран баталгаажуулж, зохих төлбөр төлөгдсөнөөр тусгай зөвшөөрөл олгогдох болно.

5.    Гэрээ, нөхцөл шаардлагыг ханган ажиллах

Та тусгай зөвшөөрлийн хугацаанд гэрээ болон тусгай зөвшөөрлийн нөхцөл шаардлагыг хангах, ХХЗХ-ны шийдвэр, журмуудыг мөрдөн ажиллах үүрэгтэй.

Харилцаа холбооны тухай хуулийн 15.1.3, Радио долгионы тухай хуулийн 18.1-д тус тус заасны дагуу тусгай зөвшөөрөл эзэмшигч нь тусгай зөвшөөрөл авсан өдрөөс хойш 1 жилийн хугацаанд тусгай зөвшөөрөлд заасан үйл ажиллагаагаа эхлэхгүй бол тусгай зөвшөөрлийг хүчингүй болгоно.

6.    Тусгай зөвшөөрлийг сунгуулах

Тусгай зөвшөөрлийн хугацаа дуусахаас 45 хоногийн өмнө түүнийг сунгуулах тухай мэдэгдлийг зөвшөөрөл эзэмшигчид тусгай зөвшөөрлийг сунгуулах хүсэлтээ албан бичгээр холбогдох маягтын дагуу бөглөсөн тайлан мэдээлэл, төлбөр төлсөн баримтын хамт Харилцаа холбооны зохицуулах хороонд гаргана.

Тусгай зөвшөөрлийг сунгахад тусгай зөвшөөрлийн хугацаанд нөхцөл шаардлагыг ханган ажилласан байдлыг шалган үзэж, холбогдох албаны дүгнэлтийг үндэслэнэ.

•           Сунгалтын өргөдлийн маягт шинэчлэн батлагдсан маягт руу үсрэх