Баталгаажуулалт
ХХЗХ

Баталгаажуулалт гэж юу вэ?

Мэдээлэл, харилцаа холбооны тоног төхөөрөмж, бүтээгдэхүүн нь зохицуулалтын болон техник аюулгүй ажиллагааны шаардлагад нийцэж буйг хөндлөнгөөс бичгээр нотлох ажиллагааг баталгаажуулалт гэнэ.

Тухайн нэг улсад тоног төхөөрөмж, бүтээгдэхүүнийг худалдаалахаар оруулахад тоног төхөөрөмжийн баталгаажилтыг шаарддаг ба тоног төхөөрөмж, бүтээгдэхүүн бүрийн нөхцөл шаардлага нь улс орон бүрт харилцан адилгүй байдаг.

Баталгаажилт хийгдсэн бүтээгдэхүүн нь ихэвчлэн баталгаажилтын тохирлын тэмдэгтэй байдаг. Жишээлбэл: Европын холбооны стандарт шаардлагыг хангасан тоног төхөөрөмж “CE”, Хятадынх “ССС” гэсэн тохирлын тэмдэгтэй байдаг байна.

Баталгаажуулалт хийхийн ач холбогдол

  • Бүтээгдэхүүнд хэрэглэгчийн итгэх итгэлийг нэмэгдүүлэх, зөв сонголт хийхэд туслах
  • Хуурамч бүтээгдэхүүнээс хэрэглэгчийг хамгаалах
  • Оригинал бүтээгдэхүүний өрсөлдөх чадварыг дээшлүүлэх
  • Стандартад нийцсэн байгаль орчинд хор хөнөөлгүй
  • Хүний эрүүл мэнд, хүрээлэн байгаа орчин, улс орны аюулгүй байдлыг хамгаалах
  • Радио холбооны тоног төхөөрөмжийн ажиллах давтамж, гаралтын чадал нь холбогдох зохицуулалтын болон үндэсний давтамж хуваарилалтад нийцсэн үндсэн сүлжээнд харилцан нөлөөлөл үзүүлэхгүй байх
  • Стандартын дагуу тоног төхөөрөмжүүдийг сонгох
  • Стандартын дагуу радио долгионы цацаргалтын хэм хэмжээг тогтоох

Хууль эрх зүй

Харилцаа холбооны зохицуулах хороо нь Харилцаа Холбооны тухай хуулийн 9.1.3-д заасны дагуу “Харилцаа холбооны сүлжээний болон хэрэглэгчийн тоног төхөөрөмжийн техникийн нөхцөл шаардлагыг тогтоох, баталгаажуулах” бүрэн эрхийг хэрэгжүүлнэ.

Холбогдох хууль эрх зүйн баримт бичигтэй энд дарж танилцана уу.

 

Хүсэлт гаргагч

1. Өргөдлийн маягт, нотлох баримт бүрдүүлэх

Мэдээлэл, харилцаа холбооны тоног төхөөрөмжийг баталгаажуулж тохирлын гэрчилгээ авахаар хүсэлт гаргагч нь ХХЗХ-ны “Мэдээлэл, харилцаа холбооны тоног төхөөрөмжийн загварыг баталгаажуулах журам”-д заасны дагуу өргөдлийн маягтыг бүрэн бөглөн, уг маягтанд заасан холбогдох нотлох баримт, материалыг хавсаргаж ирүүлнэ.

Хүсэлт гаргагч нь өргөдлийн маягтыг бүнэр гүйцэд, үнэн зөв бөглөн шаардлагатай нотлох баримтуудыг ирүүлэх нь хүсэлтийг хүлээн авч, дүгнэлт гарган түргэн шуурхай шийдвэрлэхэд чухал нөлөөтэй болно.

Мэдээлэл, харилцаа холбооны тоног төхөөрөмжийг баталгаажуулж тохирлын гэрчилгээ авах өргөдлийн маягтыг дараах хүснэгтээс авна уу.

Хүснэгт 1

Баталгаажуулалтын маягт Баталгаажуулалтын маягтыг бөглөх заавар
1 Харилцаа холбооны тоног төхөөрөмжийн баталгаажуулалтын өргөдлийн маягт Харилцаа холбооны тоног төхөөрөмжийн баталгаажуулалтын өргөдөл /Загвар маягт/
2

Өргөдөл гаргах албан хүсэлтийн маягт /аль нэгийг бөглөх/

А. Аж ахуйн нэгж, байгууллага

Б. Хувь хүн

Өргөдөл гаргах албан хүсэлт /Загвар маягт/

А. Аж ахуйн нэгж, байгууллага

Б. Хувь хүн

3

Үйлдвэрлэгчийн мэдэгдлийн маягт /аль нэгийг бөглөх/

А. Монгол Улсад үйлдвэрлэсэн

Б. Гадаад улсад үйлдвэрлэсэн

Үйлдвэрлэгчийн мэдэгдэл /Загвар маягт/

А. Монгол Улсад үйлдвэрлэсэн

Б. Гадаад улсад үйлдвэрлэсэн

4 Тохирлын гэрчилгээ хэрэглэх гэрээний маягт Тохирлын гэрчилгээ хэрэглэх гэрээ /Загвар маягт/

2. Заавар зөвлөгөө авах

Та өргөдлийн маягтыг бөглөх болон холбогдох нотлох баримт, материалуудыг бүрдүүлэхдээ Хүснэгт 1-д байршуулсан “Баталгаажуулалтын маягтыг бөглөх заавар”-ыг сайтар уншиж, дэлгэрэнгүй зааварчилгаа, тайлбар, жишээ загвартай танилцана уу.

(Холбоо барих хаяг, утас, имэйл хаяг)

3. Баталгаажуулалтын хүсэлт хүлээлгэн өгөх

Хүсэлт гаргагч та дарааллын дагуу өргөдлийн маягтыг бүрэн гүйцэд бөглөж, холбогдох материалыг бүрдүүлсэн гэж үзэж байвал тус хороонд өөрийн биеэр эсвэл шуудангаар ирүүлж болно.

Харилцаа холбооны зохицуулах хорооноос шаардлагатай тохиолдолд нэмэлт мэдээлэл, сорилт туршилтанд хамруулах бүтээгдэхүүний дээжийг гаргуулна.

4. Хүсэлтийг шийдвэрлэх

Мэдээлэл, харилцаа холбооны тоног төхөөрөмжийн загварыг баталгаажуулах журам”-ын дагуу өргөдлийн маягт, дагалдах материалын иж бүрдлийг шалган хүлээж авсаны дараа, холбогдох албад баримт бичигт дүн шинжилгээ хийж, бүтээгдэхүүнийг сорилт туршилтанд хамруулж стандарт шаардлагад нийцсэн тоног төхөөрөмжид “Тохирлын үнэлгээний тайлан, танилцуулга бичих заавар”-ын дагуу дүгнэлт, зөвлөмж танилцуулгыг Харилцаа холбооны зохицуулах хорооны дэргэдэх орон тооны бус “Баталгаажуулалтын үнэлгээний хороо”-ны хуралдаанаар хэлэлцүүлж баталгаажуулалтын тохирлын тэмдэг авах хүсэлтийг шийдвэрлэх бөгөөд шийдвэр гарсанаас хойш ажлын 5 хоногийн дотор хүсэлт гаргагчид хэрхэн шийдвэрлэсэн тухай мэдэгдлийг хүргүүлнэ.

5. Тохирлын гэрчилгээ хэрэглэх гэрээ байгуулах

Та тохирлын гэрчилгээ олгох шийдвэр хүлээн авсан бол тухайн шийдвэрт заасан хугацаанд ХХЗХ-ны баталгаажуулалт хариуцсан мэргэжилтэнтэй холбоо барьж, тохирлын гэрчилгээ хэрэглэх гэрээ байгуулна.

6. Баталгаажсан бүтээгдэхүүнд тохирлын тэмдэг тавих

Үйлдвэрлэгч, нийлүүлэгчид нь баталгаажуулалтад хамрагдан, холбогдох стандартын шаардлагыг хангаж баталгаажсан тохирлын гэрчилгээтэй тоног төхөөрөмждөө Харилцаа холбооны зохицуулах хорооноос баталсан “Мэдээлэл, харилцаа холбооны баталгаажсан тоног төхөөрөмжид тохирлын тэмдэг олгох журам”, “Мэдээлэл, харилцаа холбооны тоног төхөөрөмжид тохирлын тэмдэг хэрэглэх заавар”-ын дагуу тус тохирлын тэмдэг хэрэглэнэ.

 

Тохирлын тэмдэг хэрэглэх хүсэлт гаргагч нь дараах маягтуудыг бөглөж ирүүлнэ

Хүснэгт 2

Тохирлын тэмдгийн маягт Тохирлын тэмдгийн маягтыг бөглөх заавар
1 Тохирлын тэмдэг хүсэх өргөдлийн маягт

Тохирлын тэмдэг хүсэх өргөдөл

/Загвар маягт/

2

Өргөдөл гаргах албан хүсэлтийн маягт /аль нэгийг бөглөх/

А. Аж ахуйн нэгж байгууллага

Б. Хувь хүн

Өргөдөл гаргах албан хүсэлт /Загвар маягт/

А. Аж ахуйн нэгж, байгууллага

Б. Хувь хүн

3

Үйлдвэрлэгчийн албан бичгийн маягт /аль нэгийг бөглөх/

А. Монгол Улсад үйлдвэрлэсэн

Б. Гадаад улсад үйлдвэрлэсэн

Үйлдвэрлэгчийн мэдэгдэл /Загвар маягт/

А. Монгол Улсад үйлдвэрлэсэн

Б. Гадаад улсад үйлдвэрлэсэн

Мэдээлэл, харилцаа холбооны тоног төхөөрөмжийн ажиллах давтамж, гаралтын чадал стандарт шаардлагад нийцсэн, хүний эрүүл мэндэд сөрөг нөлөөгүй, бусад сүлжээнд харилцан нөлөөлөл үзүүлэхгүй болохыг Харилцаа холбооны зохицуулах хорооноос хөндлөнгөөс нотолж тохирлын гэрчилгээ олгож байна.

С.Дашбалбар
ШИНЭЧЛЭГДСЭН: 2016/07/04
Бусад мэдээлэл
Мэдээ мэдээлэл
Олон улсын охид эмэгтэйчүүд - Харилцаа холбооны салбарт
Олон улсын охид эмэгтэйчүүд - Харилцаа холбооны салбарт
04.27
Мониторингийн 2018 оны 1,2 дугаар сарын тайлан
Мониторингийн 2018 оны 1,2 дугаар сарын тайлан
04.24
2017 оны 4 дүгээр улирал
2017 оны 4 дүгээр улирал
04.23
Монгол улс, ОХУ-ын харилцаа холбооны асуудал хариуцсан төрийн байгууллагууд хооронд хил орчимд ашиглах радио давтамжийн зохицуулалтын уулзалт, хэлэлцээр амжилттай зохион байгуулагдлаа
Хөрш улс орнууд хил орчмын бүс нутагтаа ажиллах радио төхөөрөмжүүдийн хэвийн ажиллагааг хангах зорилгоор энэхүү нөөцийн ашиглалтад техникийн нарийвчилсан зохицуулалт хийх, бүс нутгийн харилцаа холбооны цаашдын хөгжлийг дэмжих, хөрш орнуудын хилийн бүс нутаг орчмын оршин суугчдад харилцаа холбооны үйлчилгээг чанартай хүргэх шаардлагуудтай тулгардаг
04.23
Улаанбаатар хотод такси үйлчилгээний чиглэлээр үйл ажиллагаа эрхэлдэг аж ахуйн нэгж, байгууллагууд болон бүсчилсэн шалгалтын тайлан
Улаанбаатар хотод такси үйлчилгээний чиглэлээр үйл ажиллагаа эрхэлдэг аж ахуйн нэгж, байгууллагууд болон бүсчилсэн шалгалтын тайлан
04.20
ДДэшТВ ХХК, Юнивишн ХХК-ийн сүлжээгээр нэвтрүүлж буй телевиз, сувгуудын дууны түвшинд хийгдсэн хэмжилт, тохируулгын 2018 оны 03 дугаар сарын дүн мэдээ
ДДэшТВ ХХК, Юнивишн ХХК-ийн сүлжээгээр нэвтрүүлж буй телевиз, сувгуудын дууны түвшинд хийгдсэн хэмжилт, тохируулгын 2018 оны 03 дугаар сарын дүн мэдээ
04.19
Монгол Улс болон Оросын Холбооны Улс хоорондын хил орчмын радио давтамжийн зохицуулалтын гэрээ, хэлэлцээр хийх гурав дахь удаагийн уулзалт дөрөвдүгээр сарын 17-19-ний өдрүүдэд Улаанбаатар хотноо зохион байгуулагдаж байна
Монгол Улс болон Оросын Холбооны Улс хоорондын хил орчмын радио давтамжийн зохицуулалтын гэрээ, хэлэлцээр хийх гурав дахь удаагийн уулзалт дөрөвдүгээр сарын 17-19-ний өдрүүдэд Улаанбаатар хотноо зохион байгуулагдаж байна
04.18
Шуудангийн бүртгэл хяналтын програмын ээлжит сургалтыг зохион байгууллаа
Шуудангийн тусгай зөвшөөрөл шинээр авсан аж ахуйн нэгжүүдэд шуудангийн бүртгэл хяналт, лавлагааны нэгдсэн Upost системийн операторын сургалтыг 2018 оны гуравдугаар сарын 30-ны өдөр МТҮП-ийн сургалтын танхимд зохион байгууллаа.
04.16
Шуудангийн үйлчилгээ эрхлэгч байгууллагуудын 2017 оны тусгай зөвшөөрлийн гэрээний үүргийн биелэлтийн дүн, мэдээлэл
Өнөөдрийн байдлаар улс хоорондын шуудангийн үйлчилгээний (илгээлтийн) 41, буухиа шуудангийн үйлчилгээний 7, шуудангийн үндсэн үйлчилгээний 6, захиалгат хүргэлт, үйлчилгээний 4, улс хоорондын логистикийн үйлчилгээний 2, нийт 60 тусгай зөвшөөрлийг 52 аж ахуйн нэгж эзэмшиж байна. Эдгээр тусгай зөвшөөрөл эзэмшигчдээс идэвхтэй үйл ажиллагаа явуулж байгаа 34 аж ахуйн нэгжийн гэрээний үүргийн биелэлтийг дүгнэлээ.
04.16
Улс хоорондын шуудангийн үйлчилгээ эрхлэгчдийн үйл ажиллагаанд хийсэн шалгалтын дүн, мэдээлэл
ХХЗХ-ны даргын А/48 тоот тушаалаар батлагдсан удирдамжийн дагуу Шуудангийн Зохицуулалтын Газар, Зах зээл үнэ тариф, судалгааны газраас хамтран улс хоорондын шуудангийн үйлчилгээ эрхлэх тусгай зөвшөөрөл эзэмшигч нийт 39 аж ахуйн нэгжээс идэвхтэй үйл ажиллагаа явуулж байгаа 24 аж ахуйн нэгжид 2018 оны 03 дугаар сарын 15-наас 23-ны өдрүүдэд ажлын байран дээрх шалгалтыг хийж, мэргэжил арга зүйн зөвлөгөө өгч ажиллалаа.
04.16