“ХАРИЛЦАА ХОЛБООНЫ ЗОХИЦУУЛАЛТ, ХӨГЖЛИЙН ЧИГ ХАНДЛАГА-2013” Бүсийн семинар, сургалт амжилттай зохион байгуулагдлаа
ХХЗХ

Монгол Улсын Харилцаа Холбооны Зохицуулах Хороо  (ХХЗХ) нь мэдээлэл, харилцаа холбооны салбарын өнөөгийн хөгжил, бодлого, зохицуулалтын асуудлуудын чиглэлээр бүсийн семинарыг 2006 оноос эхлэн жил бүр зохион байгуулж ирсэн уламжлалтай бөгөөд энэ удаагийн Төвийн бүсийн семинар, сургалтыг “Харилцаа холбооны зохицуулалт, хөгжлийн чиг хандлага-2013” сэдвээр Өвөрхангай аймгийн төв Арвайхээр суманд 2013 оны 11 дүгээр сарын 6-7-ны өдрүүдэд амжилттай зохион байгууллаа.  

Семинарын гол зорилго нь тус салбарт 2013 онд хэрэгжүүлсэн бодлого, зохицуулалтын өөрчлөлтийн талаар мэдээлэл өгөх, тулгамдаж буй асуудлуудын шийдлийг хэлэлцэх, мэдээлэл харилцаа холбооны салбарт хийсэн зохицуулалтын гол үйл ажиллагааны шинэчлэл, дүрэм журам, нөхцөл шаардлагын шинэчлэлтийг нэгтгэн бүс нутгийн тусгай зөвшөөрөл эзэмшигч, иргэд байгууллага, салбарын хамт олонд танилцуулах, дэлхий нийтийн харилцаа холбооны чиг хандлага, сүүлийн үеийн техник технологийн дэвшлийн талаар туршлагыг сурталчилах, , мэргэжил арга зүйн зөвлөмжийг өгөх,  цаашид салбарын хэмжээнд бодлого, зохицуулалт, тоон өргөн нэвтрүүлэгт шилжих хөтөлбөрийн талаар авч хэрэгжүүлэх арга хэмжээ, санал санаачлагуудыг ХХЗХ, МТШХХГ, тусгай зөвшөөрөл эзэмшигчид, ТББ-ын төлөөлөл, хэрэглэгч нар хамтдаа хэлэлцэн ярилцахад оршсон билээ.

Бүсийн семинар, сургалтанд Архангай, Өвөрхангай, Төв, Дундговь, Өмнөговь болон Баянхонгор аймгийн нутаг дэвсгэрт мэдээлэл, шуудан, харилцаа холбооны үйлчилгээ явуулж буй аж ахуйн нэгж, иргэдийн нийт 80 гаруй төлөөлөгчид оролцлоо. Түүнчлэн Мэдээллийн технологи, шуудан, харилцаа холбооны газар, Оюуны Өмчийн газар, “Мэдээлэл Холбооны Сүлжээ” ТӨК, “Монголын Цахилгаан Холбоо” ХК, “Монгол Шуудан” ХК, “Мобиком Корпораци” ХХК, “Юнител” ХХК,  “Скайтел” ХХК, “Жи-Мобайл” ХХК, Бенекрафт ХХК , Кабелийн телевизүүдийн үйлчилгээ эрхлэгчдийн холбоо, “Юнайтед Медиа групп” ХХК, ШУТИС-ын харьяа Мэдээлэл, холбооны технологийн сургуулиас тус тус төлөөлөгчид оролцож холбогдох чиглэлүүдээр илтгэл тавьж, хэлэлцүүлэг өрнүүллээ.

Энэ удаагийн семинарыг илүү үр дүн, ач холбогдолтой, онцлогтой болгох үүднээс эхний өдөр буюу 2013 оны 11 дүгээр сарын 6-ны өдөр салбарын бодлого, зохицуулалтын үндсэн илтгэлүүдээс бүрдсэн ерөнхий хурлаас гадна салбар хуралдаан зохион байгуулсан бөгөөд “Харилцаа Холбооны сүлжээ, үйлчилгээний өнөөгийн байдал, хэтийн төлөв” сэдвээр харилцаа холбооны үйлчилгээ эрхлэгчдэд, “Тоон технологийн шилжилтийн асуудлууд” сэдвийн хүрээнд өргөн нэвтрүүлгийн үйлчилгээ эрхлэгчдэд тус тус илтгэл тавьж, асуулт хариулт хэлбэрээр хэлэлцүүлэг явуулсан юм.

2013 оны 11 дүгээр сарын 7-ны өдрийн нэгдсэн хуралдаанаар “Технологи, салбарын хөгжлийн чиг хандлага” сэдвийн дор харилцаа холбооны салбарын шинэ үйлчилгээ, хэрэглээ, тэдгээрт тавигдах стандарт, баталгаажуулалт, зохиогчийн эрхийн асуудал, технологийн хөгжлийн чиг хандлага болон орон нутгийн телевизүүдийн хөгжлийн хандлага зэргийг хөндсөн сонирхолтой илтгэлүүдийг танилцуулж нийт оролцогчдын дунд хэлэлцүүлэг зохион байгуулсан нь ихээхэн ач холбогдолтой болсон гэж үзэж байна. Семинарын төгсгөлд “Орон нутгийн хөгжилд – харилцаа холбооны үйлчилгээ” сэдвийн дор асуулт хариулт хэлэлцүүлэг өрнүүлж, орон нутаг дах харилцаа холбооны үйлчилгээний ач холбогдол болон үйлчилгээ хүргэхэд тулгамдаж байгаа асуудлуудыг хөндөн ярилцаж, орон нутгийн үйлчилгээ эрхлэгчид хоорондоо харилцан туршлага судлахад чиглүүлсэн чөлөөт хэлэлцүүлэг, санал сонсох асуулт хариулт явуулсан юм.

Түүнчлэн бүс нутгийн тусгай зөвшөөрөл эзэмшигч, хэрэглэгч нарт тоон өргөн нэвтрүүлэгт шилжих арга хэмжээний хүрээнд семинар, сургалтын дэд хуралдааныг  МТШХХГ, ОӨГ, ТББ-ын төлөөлөл, салбарын шилдэг мэргэжилтнүүд, багш эрдэмтдийн төлөөлөгч нарыг урилгаар илтгэл тавиулж,  хамтран зохион байгуулснаараа энэ удаагийн бүсийн семинар онцлогтой боллоо.

С.Дашбалбар
ШИНЭЧЛЭГДСЭН: 2015/11/30
Мэдээ мэдээлэл
Мониторингийн 2018 оны 1,2 дугаар сарын тайлан
Мониторингийн 2018 оны 1,2 дугаар сарын тайлан
04.24
2017 оны 4 дүгээр улирал
2017 оны 4 дүгээр улирал
04.23
Монгол улс, ОХУ-ын харилцаа холбооны асуудал хариуцсан төрийн байгууллагууд хооронд хил орчимд ашиглах радио давтамжийн зохицуулалтын уулзалт, хэлэлцээр амжилттай зохион байгуулагдлаа
Хөрш улс орнууд хил орчмын бүс нутагтаа ажиллах радио төхөөрөмжүүдийн хэвийн ажиллагааг хангах зорилгоор энэхүү нөөцийн ашиглалтад техникийн нарийвчилсан зохицуулалт хийх, бүс нутгийн харилцаа холбооны цаашдын хөгжлийг дэмжих, хөрш орнуудын хилийн бүс нутаг орчмын оршин суугчдад харилцаа холбооны үйлчилгээг чанартай хүргэх шаардлагуудтай тулгардаг
04.23
Улаанбаатар хотод такси үйлчилгээний чиглэлээр үйл ажиллагаа эрхэлдэг аж ахуйн нэгж, байгууллагууд болон бүсчилсэн шалгалтын тайлан
Улаанбаатар хотод такси үйлчилгээний чиглэлээр үйл ажиллагаа эрхэлдэг аж ахуйн нэгж, байгууллагууд болон бүсчилсэн шалгалтын тайлан
04.20
ДДэшТВ ХХК, Юнивишн ХХК-ийн сүлжээгээр нэвтрүүлж буй телевиз, сувгуудын дууны түвшинд хийгдсэн хэмжилт, тохируулгын 2018 оны 03 дугаар сарын дүн мэдээ
ДДэшТВ ХХК, Юнивишн ХХК-ийн сүлжээгээр нэвтрүүлж буй телевиз, сувгуудын дууны түвшинд хийгдсэн хэмжилт, тохируулгын 2018 оны 03 дугаар сарын дүн мэдээ
04.19
Монгол Улс болон Оросын Холбооны Улс хоорондын хил орчмын радио давтамжийн зохицуулалтын гэрээ, хэлэлцээр хийх гурав дахь удаагийн уулзалт дөрөвдүгээр сарын 17-19-ний өдрүүдэд Улаанбаатар хотноо зохион байгуулагдаж байна
Монгол Улс болон Оросын Холбооны Улс хоорондын хил орчмын радио давтамжийн зохицуулалтын гэрээ, хэлэлцээр хийх гурав дахь удаагийн уулзалт дөрөвдүгээр сарын 17-19-ний өдрүүдэд Улаанбаатар хотноо зохион байгуулагдаж байна
04.18
Шуудангийн бүртгэл хяналтын програмын ээлжит сургалтыг зохион байгууллаа
Шуудангийн тусгай зөвшөөрөл шинээр авсан аж ахуйн нэгжүүдэд шуудангийн бүртгэл хяналт, лавлагааны нэгдсэн Upost системийн операторын сургалтыг 2018 оны гуравдугаар сарын 30-ны өдөр МТҮП-ийн сургалтын танхимд зохион байгууллаа.
04.16
Шуудангийн үйлчилгээ эрхлэгч байгууллагуудын 2017 оны тусгай зөвшөөрлийн гэрээний үүргийн биелэлтийн дүн, мэдээлэл
Өнөөдрийн байдлаар улс хоорондын шуудангийн үйлчилгээний (илгээлтийн) 41, буухиа шуудангийн үйлчилгээний 7, шуудангийн үндсэн үйлчилгээний 6, захиалгат хүргэлт, үйлчилгээний 4, улс хоорондын логистикийн үйлчилгээний 2, нийт 60 тусгай зөвшөөрлийг 52 аж ахуйн нэгж эзэмшиж байна. Эдгээр тусгай зөвшөөрөл эзэмшигчдээс идэвхтэй үйл ажиллагаа явуулж байгаа 34 аж ахуйн нэгжийн гэрээний үүргийн биелэлтийг дүгнэлээ.
04.16
Улс хоорондын шуудангийн үйлчилгээ эрхлэгчдийн үйл ажиллагаанд хийсэн шалгалтын дүн, мэдээлэл
ХХЗХ-ны даргын А/48 тоот тушаалаар батлагдсан удирдамжийн дагуу Шуудангийн Зохицуулалтын Газар, Зах зээл үнэ тариф, судалгааны газраас хамтран улс хоорондын шуудангийн үйлчилгээ эрхлэх тусгай зөвшөөрөл эзэмшигч нийт 39 аж ахуйн нэгжээс идэвхтэй үйл ажиллагаа явуулж байгаа 24 аж ахуйн нэгжид 2018 оны 03 дугаар сарын 15-наас 23-ны өдрүүдэд ажлын байран дээрх шалгалтыг хийж, мэргэжил арга зүйн зөвлөгөө өгч ажиллалаа.
04.16
Салбарын 2017 оны жилийн эцсийн үндсэн үзүүлэлтүүд
Салбарын 2017 оны жилийн эцсийн үндсэн үзүүлэлтүүд
04.10