4 оронтой ярианы тусгай дугааруудыг 1800, 1900 угтвар дугаарт шилжүүлнэ
ХХЗХ

Мэдээлэл, лавлах үйлчилгээний тусгай дугаарын үйлчилгээний хэрэглээ өсч дугаарын нөөцийг нэмэгдүүлэх шаардлага нэмэгдсэн мөн 2010 онд шинэчлэн батлагдсан “Монгол улсын харилцаа холбооны сүлжээний дугаарлалтын нэгдсэн төлөвлөгөө”-ний 1800, 1900 угтвар дугаарт шилжүүлэх, тусгай дугаарын зохицуулалтыг боловсронгуй болгох шаардлагын улмаас тус хороо нь тусгай дугаар эзэмшигчид болоод цахилгаан холбооны үйлчилгээ эрхлэгчдийн дунд удаа дараа хэлэлцүүлэг хийж, санал авсаны үр дүнд “Тусгай дугаар ашигласан ярианы үйлчилгээний зохицуулалт”-ын баримт бичгийг 2013 оны 12-р сарын 06-ны өдрийн Хорооны хуралдаанаар хэлэлцэн баталлаа.

Энэхүү зохицуулалтын баримт бичигт  тусгаснаар хэрэглэгчийн тарифт болон төлбөргүй үйлчилгээний тусгай дугаарууд нь 1800 угтвар дугаарыг авч, нэмүү өртөгт төлбөртэй үйлчилгээний тусгай дугаарууд нь 1900 угтвар дугаарыг тус тус авах юм.

Мөн түүнчлэн уг зохицуулалтын баримт бичигт тусгай дугаарын үнэ тарифын зарчим болон орлого хуваарилах зарчмыг тус тус тусгасан. Тухайлбал, үнэ тарифын дээд хязгаарыг чөлөөлөх бол тусгай дугаар эзэмшигчид үнэ тарифаа нийтэд тогтмол сурталчилж хэвшин, хэрэглэгчдээс ирэх гомдлыг шийдвэрлэх техникийн боломжийг бүрдүүлсэн зэрэг шалгуурыг харгалзан үзэж, Зохицуулах хороо  нэгдсэн байдлаар зохицуулалт хийхээр тусгасан. Харин орлого хуваарилах хувь хэмжээний хувьд зохицуулалтын баримт бичиг батлагдсанаас хойш 1 сарын хугацаанд буюу 2014 оны 01 дүгээр сарын 10-ны дотор цахилгаан холбооны үйлчилгээ эрхлэгчид холболт хийх, дугаар үүсгэх, орлого хуваах хувь хэмжээний санал бүхий өөрсдийн журмыг боловсруулж, тус хороонд хянуулан бүх тусгай дугаар эзэмшигчдэд ижил тэгш санал болгох үүрэг хүлээж байна.

Хорооны хурлаар батлагдсан зохицуулалтын баримт бичиг эндээс үзнэ үү.

 

“Тусгай дугаар ашигласан ярианы үйлчилгээний зохицуулалт”-ын баримт бичгийг тус хуралдаанаар баталсантай холбогдуулан мэдээлэл, лавах үйлчилгээ үзүүлж байгаа 4 оронтой тусгай дугаарыг 1800, 1900 угтвар дугаар бүхий дугаарт шилжүүлэхтэй холбоотой дараахь зарчим, арга хэмжээг 2014 оны 1 дүгээр улиралд багтаан төлөвлөгөөний дагуу зохион байгуулахаар хорооны хуралдаанаас шийдвэрлэсэн болно. Үүнд:

  1. Улаанбаатар хотод тусгай дугаар эзэмшигчийн одоо ашиглаж байгаа дугаарыг төлбөргүй бол 1800, төлбөртэй бол 1900 угтвар дугаарлалтанд шилжүүлэн арын 4 оронг хэвээр хадгалж үлдээх зарчим нээлттэй байх,
  2. 1900 угтвар дугаарыг сонгосон бол түүний хос дугаар болох 1800 угтвар бүхий дугаарыг 2 хүртэл жил аливаа төлбөргүй нөөцлөх зарчим баримтлах. (1800 угтвар дугаарын хувьд мөн адил),
  3. Шилжилтийн хугацаанд хуучин болон шинэ дугаарлалтыг цахилгаан холбооны сүлжээнд зэрэг үүсгэж, ачааллын судалгааг тогтмол хийх,
  4. Ачааллын шилжилтийн байдлаас хамааруулж шилжилтийн дуусах хугацааг зарлах,
  5. Шилжилтийн хугацаа дуусахад хуучин дугаарлалтыг цахилгаан холбооны сүлжээнд хаах арга хэмжээг хэрэгжүүлэх,
  6. Шилжилтийн хугацаа бүрэн дууссаныг Зохицуулах хороо албан ёсоор зарласнаар шинэ дугаарлалтыг олгож эхлэх,
  7. Зохицуулах хорооноос шилжилтийн талаар олон нийтийн хэвлэл, мэдээллийн хэрэгслээр холбогдох байгууллага, ТББ-тай хамтран сурталчлах,
  8. Орон нутгийн тусгай дугаар эзэмшигчид нь одоо ашиглаж байгаа тусгай дугаараа арын 4 орон хэлбэрээр ашиглах боломжгүй байдлыг харгалзан Зохицуулах хорооноос санал болгосон багц дугаараас сонголт хийлгэх,
  9. Хөдөө орон нутгийн тусгай дугаарыг дээр дурдсан шилжилтийн хугацаа дуусахад шууд шинэ дугаарлалтад шилжүүлэх зэрэг болно.
С.Дашбалбар
ШИНЭЧЛЭГДСЭН: 2015/04/08
Мэдээ мэдээлэл
Харилцаа холбооны зохицуулах хорооны нэрэмжит 2019 оны улсын аварга шалгаруулах “Үнэг агналтын тэмцээн”
Радио сонирхогчийн нэвтрүүлэгч олох буюу үнэг агналтын Улсын аврага тэмцээн 2019 оны 9-р сарын 7, 8-ны өдрүүдэд Бага Баян цогцолборын орчимд амжилттай явагдаж өндөрлөлөө. Энэ тэмцээнд нийт 10 гаруй багийн 35 тамирчин оролцож, W19/W35, M19/M40, W21, М21 насны ангилалд мэдлэг, ур чадвар, мэдрэмж, хүч чадлаараа уралдлаа.
09.19
WRC19-Д бэлтгэх Ази-номхон далайн цахилгаан холбооны байгууллагуудын урьдчилсан байр суурь батлагдлаа
Олон Улсын Цахилгаан Холбооны Байгууллага (ОУЦХБ)-аас 2019 оны 10 сарын 28-наас 11 сарын 22-ны хооронд Египет улсын Шарм Эл-Шейх хотод зохион байгуулагдах Дэлхийн Радио Холбооны Их Хуралд (ДРИХ) бэлтгэх Ази-Номхон Далайн Цахилгаан холбооны гишүүн байгууллагуудын 5 дахь удаагийн уулзалт 2019 оны 7 сарын 31-ээс 8 сарын 6-ны хооронд Япон улсын Токио хотноо Япон улсын Харилцаа холбоо ба Дотоод хэргийн яамны дэмжлэгтэйгээр зохион байгуулагдлаа.
09.18
“Радио өргөн нэвтрүүлгийг тоон системд шилжүүлэх нь” сэдэвт олон улсын форум амжилттай болж өнгөрлөө
“Радио өргөн нэвтрүүлгийг тоон системд шилжүүлэх нь” сэдэвт олон улсын форум амжилттай болж өнгөрлөө
09.18
ХАРИЛЦАА ХОЛБООНЫ ХӨГЖИЛ – 2019 БҮСИЙН ЗӨВЛӨГӨӨН
Харилцаа холбооны зохицуулах хорооноос жил бүр зохион байгуулдаг Харилцаа холбооны хөгжил сэдэвт бүсийн зөвлөгөөнийг энэ удаад Сүхбаатар аймгийн төв Баруун- Урт суманд 2019 оны 9 сарын 12,13 ний өдрүүдэд зохион байгууллаа
09.15
“Харилцаа холбооны хөгжил-2019” Бүсийн зөвлөгөөн
“Харилцаа холбооны хөгжил- 2019” сэдвийн дор төр болон хувийн хэвшлийн байгууллага тусгай зөвшөөрөл эзэмшигчид, хувь хүмүүст зориулан Сүхбаатар аймгийн Баруун-урт хотноо зохион байгуулахаар бэлэн болоод байна. Уг зөвлөгөөн хэлэлцүүлэгт Монгол улсын зүүн бүсийн аймгуудын Мэдээлэл, харилцаа холбоо, технологийн үйлчилгээ явуулж буй аж ахуй нэгж байгууллага, иргэдийн нийт 130 гаруй зочид, төлөөлөгчид оролцох юм.
09.10
2019 оны 2 дугаар улирал
2019 оны 2 дугаар улирал
09.03
Мониторингийн 2019 оны 5,6 дугаар сарын тайлан
Мониторингийн 2019 оны 5,6 дугаар сарын тайлан
08.27
Харилцаа холбооны зохицуулах хорооны 2019 оны ээлжит 8 дугаар хуралдааны мэдээлэл
Монгол Улсын Харилцаа холбооны зохицуулах хорооны 2019 оны ээлжит 8 дугаар хуралдааныг 2019 оны 8 дугаар сарын 19-ний өдөр зохион байгуулав.
08.26