Харилцаа холбооны зохицуулах хорооны 2014 оны ээлжит 6 дугаар хуралдааны мэдээлэл
ХХЗХ

Монгол Улсын Харилцаа холбооны зохицуулах хорооны 2014 оны ээлжит 6 дугаар хуралдаан 2014 оны 7 дугаар сарын 04-ний өдөр болов. Тус хуралдаанаар нийтдээ 12 асуудлыг хэлэлцэж, хорооны 8 тогтоол, 1 тэмдэглэл тус тус гарган шийдвэрлэсэн болно.

Тус ээлжит хуралдаанаар “Радио давтамжийн 6-13 ГГц-ийн зурваст ажиллах радио релейний системийг зохион байгуулах шаардлага, сувгийн хуваарилалт”, “Сансарын хөдөлгөөнт холбооны үйлчилгээний зохицуулалт”, “Телевизийн өргөн нэвтрүүлгийн аналоги системийг тоон технологид шилжүүлэхэд баримтлах зохицуулалт” зэрэг салбарын зохицуулалтын орчинг боловсронгуй болгох баримт бичгүүдийг хэлэлцэн хорооны хуралдааны тогтоолоор батлан, хэрэгжилтийг зохион байгуулахаар тогтов.

Харилцаа холбооны салбарт үйл ажиллгаа эрхэлж байгаа ААН, компаниудын үйлчилгээний чанарыг сайжруулах, хяналтын механизмыг олон улсын жишигт хүргэх, боловсронгуй болгох зорилгоор “Мэдээлэл, харилцаа холбооны үйлчилгээний чанарыг хянах журам”-ыг шинэчлэн баталж, мөрдүүлэхээр шийдвэрлэсэн болно.

Мөн хуралдаанаар Монгол Улсад Үндэсний роуминг (National Roaming) үйлчилгээ нэвтрүүлэх, хэрэгжүүлэх суурь судалгааны явц болон .mn Домэйн нэрийн зохицуулалтын өнөөгийн байдал, Ай-Пи ТВ (IPTV)-ийн үйлчилгээ эрхлэгчдийн танилцуулгыг хэлэлцээд, цаашид авах арга хэмжээний талаар чиглэл өглөө.  

Хорооны хуралдаанаар иргэд, байгууллага, ААН-ээс харилцаа холбооны үйлчилгээ, шуудангийн ашиглалт үйлчилгээ, үйлчилгээ эрхлэх тусгай зөвшөөрөл болон радио давтамжийн тусгай зөвшөөрөл авах, нэмэлт өөрчлөлт оруулах, цуцлах талаар хүсэлт материал ирүүлснийг албадаас үнэлгээ хийсэн санал, дүгнэлтийг авч хэлэлцээд,  нэр бүхий 8 хуулийн этгээдэд тусгай зөвшөөрөл шинээр олгох,  2 тусгай зөвшөөрөл эзэмшигч хуулийн этгээдийн тусгай зөвшөөрлийн хамрах хүрээнд нэмэлт өөрчлөлт оруулахаар шийдвэрлэв.

Шуудангийн чиглэлээр үйл ажиллгаа явуулж байгаа ААН, компани байгууллагад тус хорооноос хийсэн хяналт, шалгалтын тайланг авч хэлэлцээд, 1 хуулийн этгээдийн тусгай зөвшөөрлийг сэргээх, 3 хуулийн этгээдийн шуудангийн үйлчилгээ эрхлэх Б ангиллын тусгай зөвшөөрлийг 2 сарын хугацаагаар түдгэлзүүлэхээр тогтоол гарган шийдвэрлэв.

(Хуралдааны баталсан тогтоолын жагсаалт, хавсралтыг үзнэ үү).

Харилцаа холбооны зохицуулах хороо

2014-07-04

С.Дашбалбар
ШИНЭЧЛЭГДСЭН: 2015/05/25
Мэдээ мэдээлэл
“МИНИЙ ГЭР – АЮУЛГҮЙ ОРЧИН” цахим захидлын уралдааны шалгаруулалтын дүн
“МИНИЙ ГЭР – АЮУЛГҮЙ ОРЧИН” цахим захидлын уралдааны шалгаруулалтын дүн
04.02
Салбарын 2019 оны жилийн эцсийн үндсэн үзүүлэлтүүд
Салбарын 2019 оны жилийн эцсийн үндсэн үзүүлэлтүүд
04.01
РӨН-ийн үйлчилгээ эрхлэгчдэд 2020 оны 03-р сард хийсэн суурин хяналтын мэдээ
РӨН-ийн үйлчилгээ эрхлэгчдэд 2020 оны 03-р сард хийсэн суурин хяналтын мэдээ
04.01
Мессежний тусгай дугаар эзэмшигчдийн мэдээлэл
Мессежний тусгай дугаар эзэмшигчдийн мэдээлэл
04.01
Харилцаа холбооны зохицуулах хорооны 2020 оны 2 дугаар сард хүлээн авсан баримт бичгийн мэдээ
Харилцаа холбооны зохицуулах хорооны 2020 оны 2 дугаар сард хүлээн авсан баримт бичгийн мэдээ
03.30
Жилийн тайлан 2018
Жилийн тайлан 2018
03.30
ЗАРЛАЛ
Орон нутгийн өргөн нэвтрүүлгийн радио, телевиз, кабелийн сувгийн үйлчилгээ эрхлэгчдэд
03.27
МЭДЭГДЭЛ
Дараах хуулийн этгээд /иргэн/ -үүд тус журамд заасан хугацааны дотор зөвшөөрлийн хугацаагаа сунгуулах хүсэлтээ ирүүлнэ үү
03.27
Зөвшөөрөл эзэмшигчдэд мэдэгдэх нь
Зөвшөөрөл эзэмшигчдэд мэдэгдэх нь
03.26
Тусгай зөвшөөрөл эзэмшигчдийн анхааралд
Статистик тайлан мэдээгээ ирүүлээгүй тусгай зөвшөөрөл эзэмшигчдийн жагсаалт
03.24