Зөвлөх үйлчилгээний тухай зарлал
ХХЗХ

Зөвлөх үйлчилгээний тухай зарлал

1. Харилцаа холбооны зохицуулах хороо нь “Улаанбаатар хотод хэт богино долгионы радио өргөн нэвтрүүлгийн үйл ажиллагаа эрхлэгчдийн хөтөлбөрт тавигдах нөхцөл шаардлагын биелэлтэд хяналт, мониторинг хийх” зөвлөх үйлчилгээний гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй хуулийн этгээдийг мэдүүлгээ ирүүлэхийг урьж байна.

2. Энэхүү зөвлөх үйлчилгээ нь Улаанбаатар хотод үйл ажиллагаа явуулж байгаа хэт богино долгионы радио өргөн нэвтрүүлгийн хөтөлбөрт тавигдах нөхцөл шаардлагын биелэлтэд хяналт, мониторинг хийх ажлыг хийж гүйцэтгэхэд оршино.

Тус хороо нь Монгол Улсын Засгийн Газрын 2010 оны 276 дугаар тогтоолоор батлагдсан “Телевиз, радиогийн зохицуулалтын талаар баримтлах чиглэл”-ийг үндэслэн Харилцаа холбооны зохицуулах хорооны 2015 оны 15 дугаар тогтоолоор шинэчлэн батлагдсан “Өргөн нэвтрүүлгийн зохицуулалт, нөхцөл шаардлага”-ын хэрэгжилтийг хангуулах ажлын хүрээнд өргөн нэвтрүүлгийн үйлчилгээ эрхлэгчдийн хөтөлбөрт тодорхой шаардлага тавьж, хэрэгжилтийг хангуулах талаар арга хэмжээ авч ажилладаг.

Мониторинг хийх  чиглэл:

  • Улаанбаатар хотод үйл ажиллагаа явуулж байгаа хэт богино долгионы радио өргөн нэвтрүүлгийн хөтөлбөрт хяналт тавих зорилгоор Улаанбаатар хотын хэт богино долгионы бүх радиогийн эфирийн бичлэгийг нэгэн зэрэг, бүрэн хийж, хадгалах;
  • Радио өргөн нэвтрүүлгээр дамжуулж буй нэвтрүүлэг, төрөл жанр, хөтөлбөрийн талаарх дэлгэрэнгүй тайлан;
  • Хөтөлбөрийн бүтэц, түүнд гадаад болон дотоодын дууны эзлэх хувь хэмжээг өдөр бүрээр тодорхойлох;
  • Хөтөлбөрийн бүтэц, түүнд цаг, үе үйл явдлын мэдээ, сурвалжлагын нэвтрүүлгийн эзлэх хувь хэмжээг тодорхойлох;
  • 7 хоногийн нэвтрүүлгийн нийт цагт эзлэх дотоод бүтээлийн хувь хэмжээ нь нөхцөл шаардлага хангасан эсэх /50 хувиас доошгүй/;
  • 1 цагт дамжуулах зар сурталчилгаа нь нөхцөл шаардлага хангасан эсэх /18 мин/;
  • 1 цагт нэвтрүүлж буй зар сурталчилгаанд эзлэх блок, блок тус бүрт ноогдох хугацааг тогтоох;
  • Зар сурталчилгаанд эзлэх нийгмийн шинжтэй зар сурталчилгааны хугацааг тогтоох, зар сурталчилгааг төрлөөр нь ангилах /үгэн зар, суртачилгаа, шторк гэх мэт/;
  • 1 хоногийн хөтөлбөрийн нийт цагт эзлэх шууд болон хөтлөгчтэй нэвтрүүлгийн эзлэх хувь хэмжээ нь нөхцөл шаардлага хангасан эсэх /15 хувиас доошгүй/;
  • Хөтөлбөрт эзлэх соён гэгээрүүлэх, танин мэдүүлэх, хүүхэд боловсролын нэвтрүүлгийн 1 сарын хөтөлбөрт эзлэх нийт хувь хэмжээг тодорхойлох;
  • Хүүхдийн нэвтрүүлгийн нийт цаг, 1 сарын хөтөлбөрт эзлэх хувь хэмжээ;
  • Мессежний болон ярианы тусгай дугаар ашиглан тааварт тоглоом, ая дууны сонгууль зэрэг уралдаант хэлбэрийн нэвтрүүлэг дамжуулсан байдал, эдгээр нэвтрүүлгийн 1 хоногийн хөтөлбөрт эзлэх нийт цаг,  хувь хэмжээ, үнэ тарифыг ил тод мэдээлэх шаардлага хангасан эсэх /ашиглаж буй тусгай дугаар, тусгай дугаарын үнэ тариф/;
  • Насанд хүрэгчдэд зориулсан /18 наснаас дээш/ нэвтрүүлэгийг өглөө 06:00-22:00 цагийн хооронд нэвтрүүлсэн, давтан дамжуулсан эсэх
  • Бусад.

Тайлан мэдээ ирүүлэх хэлбэр:

  • “Өргөн нэвтрүүлгийн зохицуулалт, нөхцөл шаардлага”-ын дагуу сар бүр тайлан гаргах, гэрээт ажлын хугацааны нэгдсэн дүн, мэдээг аналитик тайлангийн хамтаар боловсруулж ирүүлэх;
  • Эфирийн өдөр бүрийн дэлгэрэнгүй протокол
  • Хяналт, мониторингийн үзүүлэлт /чиглэл/ тус бүрээр шаталсан дэлгэрэнгүй, хураангуй тайланг цаг, хоног, 7 хоног, сар бүрээр гаргах
  • Үүссэн гомдол маргааныг шийдвэрлэх зорилгоор хөтөлбөрийн агуулгатай холбоотой тодорхой цагийн бичлэг ирүүлэх
  • Бусад

3. Мэдүүлгээ ирүүлж буй зөвлөх нь уг үйлчилгээг гүйцэтгэх чадвартайг нотлохтой холбоотой дараах баримт, мэдээллийг ирүүлнэ. Үүнд:  

3.1. Зөвлөх хуулийн этгээдийн танилцуулга, гэрчилгээний хуулбар, дүрэм;

  • Зөвлөх болон хяналт, мониторинг хийх ажлын хүрээнд хамрагдаж байгаа этгээд нь компанийн тухай хуулийн 6.14-т заасан /нэг/ нэгдлийн оролцогчид биш байна.
  • Зөвлөх нь хорооноос олгодог өргөн нэвтрүүлгийн тусгай зөвшөөрөлтэй үйл ажиллагаа эрхлэгч бус байх, гүйцэтгэх удирдлагын хувьд сүүлийн 5 жил өргөн нэвтрүүлгийн салбарт ажиллаагүй байна

3.2.Зөвлөх хуулийн этгээдийн санхүүгийн чадавхийн мэдээлэл /сүүлийн жилийн санхүүгийн тайлан /

3.3. Энэ төрлийн ажил үйлчилгээ гүйцэтгэж байсан туршлагын талаарх мэдээлэл, танилцуулга

3.4.Зөвлөх хуулийн этгээдийн ажиллах боловсон хүчний мэргэжил, туршлага, чадавхийн талаарх мэдээлэл /Зөвлөхийн баг нь багийн ахлагч, хяналт мониторингийн менежер, програм хангамж, техник ашиглалт хариуцсан ИТА, статистик судалгааны мэргэжилтэн, хяналт мониторингийн ажилтан гэх мэт бүрэлдэхүүнтэй байна/

3.5. Сар бүр гэрээнд заасан хугацаанд хяналт мониторингд хамрагдаж буй УБ хотын хэт богино долгионы радио өргөн нэвтрүүлгийн үйлчилгээ эрхлэгчдийн хөтөлбөрт байнгын хяналт, мониторинг хийх, эфирийн бичлэг хийх, хадгалах програм хангамжийн хөгжүүлэлт хийх боломжтой байх.

3.6. Улаанбаатар хотод үйл ажиллагаа явуулж байгаа хэт богино долгионы радио өргөн нэвтрүүлгийн үйлчилгээ эрхлэгчдийн сигналыг хүлээн авах техникийн шийдэл, нөөц шийдэл, үйл ажиллагааг хэвийн тасралтгүй явуулах боломжийг бүрдүүлсэн байх.

3.7. Мэдээллийн сангаас шаардлагатай тохиолдолд мониторинг хийх үзүүлэлт болон холбогдох бусад мэдээ, тайлан, эфирийн бичлэгийг тухайн сар, өдөр, цаг минутаар түргэн шуурхай гаргах техник, технологийн боломжийг бүрдүүлсэн байна.

4. Чадварыг нэмэгдүүлж сайжруулах зорилгоор зөвлөхүүд түншлэлийн хэлбэрээр оролцож болно.

5. Гадаадын этгээд оролцох эрхгүй.

6. Дотоодын давуу эрх олгохгүй.

Сонирхсон этгээд нэмэлт мэдээллийг 2019 оны 07-р сарын  05-с 18-ны 10:00-16:00 цагийн хооронд авч болох бөгөөд мэдүүлгээ дор дурдсан хаягаар 2019 оны 07 дугаар сарын 22-ны 10.00 цагаас өмнө өөрийн биеэр ирүүлнэ.

Хаяг: Харилцаа холбооны зохицуулах хороо

          Улаанбаатар хот 14201, Сүхбаатар дүүрэг,

          Сүхбаатарын гудамж-13

          Бага тойруу, 6 дугаар хороо

          Метро бизнес төв, А-корпус, 5 давхар

          Зохицуулалтын бодлогыг хэрэгжүүлэх газар,

          Утас: 304258

С.Дашбалбар
ШИНЭЧЛЭГДСЭН: 2019/07/05
Мэдээ мэдээлэл
2019 оны 9 сар: Улаанбаатар хотод үйл ажиллагаа явуулж байгаа өргөн нэвтрүүлгийн телевиз, сувгийн хөтөлбөрт тавигдах нөхцөл шаардлагын биелэлтэд хийсэн хяналт, мониторингийн аналитик тайлан
2019 оны 9 сар: Улаанбаатар хотод үйл ажиллагаа явуулж байгаа өргөн нэвтрүүлгийн телевиз, сувгийн хөтөлбөрт тавигдах нөхцөл шаардлагын биелэлтэд хийсэн хяналт, мониторингийн аналитик тайлан
10.21
“Цахим орчны хүүхэд хамгаалал” форум болно
Харилцаа холбооны зохицуулах хороо болон НҮБ-ын Хүүхдийн сан хамтран “Цахим орчны хүүхэд хамгаалал” форумыг 2019 оны 10 дугаар сарын 22-ны өдөр зохион байгуулах гэж байна
10.18
РӨН-ийн үйлчилгээ эрхлэгчдэд 2019 оны 10-р сарын эхний хагаст хийсэн суурин хяналтын мэдээ
РӨН-ийн үйлчилгээ эрхлэгчдэд 2019 оны 10-р сарын эхний хагаст хийсэн суурин хяналтын мэдээ
10.17
Зүүн бүсийн аймгуудад үйл ажиллагаа явуулж буй үйлчилгээ эрхлэгчдийн үйл ажиллагаанд хяналт, шалгалтыг хийлээ
Улаанбаатар хотын алслагдсан Налайх, Багануур, Багахангай дүүргүүд болон Дорноговь аймгийн Сайншанд, Замын-Үүд сумд, Говьсүмбэр, Дорнод, Хэнтий, Сүхбаатар аймгуудад үйл ажиллагаа явуулж буй тус хорооноос тусгай зөвшөөрөлтэй үйлчилгээ эрхлэгчдийн үйл ажиллагааг газар дээр нь шалгаж, холбогдох хууль тогтоомж түүнд нийцүүлэн гаргасанжурам, нөхцөл шаардлагын биелэлт болон тусгай зөвшөөрлийн гэрээний хэрэгжилтийн байдалд хэмжилт, шалгалтыг хийж, зөрчлөөс урьдчилан сэргийлэх, илэрсэн зөрчлийг арилгах, таслан зогсоох, шударга өрсөлдөөнийг бий болгох зорилгоор шалгалтыг 2019 оны 08-р сарын 21-нээс 31-ний өдрүүд, 09-р сарын 4-нөөс 16-ны өдрүүдэд хийж гүйцэтгэлээ.
10.16
MNS ISO IEC 17065:2013 стандартад нийцүүлэн боловсруулсан Чанарын тогтолцооны багц журмын төсөл болон Чанарын гарын авлагын төсөлд санал авч байна
Харилцаа холбооны зохицуулах хорооны баталгаажуулалтын үйл ажиллагаанд гүйцэтгэх ажлын чиглэлийг тодорхойлох MNS ISO IEC 17065:2013 стандартад нийцүүлэн боловсруулсан Чанарын тогтолцооны багц журмын төсөл болон Чанарын гарын авлагын төсөлд санал авч байна
10.16
Монгол Улс БНХАУ-тай хил орчмын радио давтамжийн зохицуулалтын гэрээ байгууллаа
Монгол Улс болон Бүгд Найрамдах Хятад Ард Улс хоорондын хил орчмын радио давтамжийн зохицуулалтын хүрээнд III уулзалт 2019 оны 10 дугаар сарын 9-нөөс 11-ний өдрүүдэд Бүгд Найрамдах Хятад Ард Улсын Бээжин хотноо болж өнгөрлөө.
10.16
Бусдад зөв мэдээллийг түгээе
Цахим орчин, нийгмийн сүлжээнд нийтэлсэн аливаа худал хуурмаг мэдээлэл нь өвсөнд гал тавихтай адил хурдан тархаж, олон нийтийн санаа бодлыг үймүүлэх, төөрөлдүүлэх, улмаар нийгмийн эмх замбараагүй байдал үүсэж, үндэсний аюулгүй байдалд сөргөөр нөлөөлөх хүртэл хор уршигтай. Тиймээс та аливаа мэдээллийг бусдад түгээхээсээ өмнө fake news буюу худал мэдээлэл мөн эсэхийг нягтлан шалгаж сураарай. Зөвхөн зөв мэдээллийг л бусдад түгээцгээе.
10.14
Сургалт зохион байгуулах тухай
Харилцаа холбоо, мэдээллийн технологийн салбарын мэргэжилтэнд мэргэшлийн зэрэг олгох сургалтыг тус сургууль дээр 2019 оны 10-р сарын 30-ээс 12 сарын 5-ны хооронд зохион байгуулахаар төлөвлөж байна. Энэ удаагийн сургалтаар зөвлөх болон мэргэшсэн инженерийн сургалт, сунгалтыг хийнэ.
10.14
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 09-р сард хийсэн мониторингийн дүн
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 09-р сард хийсэн мониторингийн дүн
10.11
Санал асуулга явагдаж байна. Та бүхэн идэвхитэй оролцохыг урьж байна
Энэхүү санал асуулга нь тусгай дугаарын үйлчилгээ эрхлэгчдийн үйлчилгээний чанар болон хэрэглэгчдийн сэтгэл ханамжийг тодорхойлох, үнэ тарифын зохистой байдлыг илрүүлэх зорилготой юм.
10.11