Тус хорооны төлөөлөгчид 2019 оны 06 дугаар сарын 24-28 өдрүүдэд “Ази Номхон Далайн орнуудын Мэдээлэл, Харилцаа Холбооны сайд нарын уулзалт 2019” зөвлөгөөнд оролцож Сингапур болон Малайз улсын зохицуулах байгууллагатай хамтран ажиллах, туршлага солилцох асуудлаар уулзалт, семинарыг зохион байгуулав.
ХХЗХ
679675 apt mm group x800

Ази-Номхон далайн цахилгаан холбооны байгууллага (Asia-Pacific Telecommunity)-аас Ази-Номхон далайн бүс нутгийн мэдээлэл, харилцаа холбооны сайд нарын уулзалт, зөвлөгөөнийг “Co-Creating a Connected Digital Future in the Asia-Pacific” сэдвийн доор зохион байгууллаа. Энэхүү зөвлөгөөнд Mонгол Улсыг төлөөлж Харилцаа холбоо, Мэдээллийн Технологийн газрын дарга Б.Чинбат, Харилцаа холбооны зохицуулах хорооны дарга Г.Чинзориг, тус хорооны гишүүн Ж.Бат-Эрдэнэ болон бусад холбогдох мэргэжилтэнүүд оролцов.

 

 

Дээрх арга хэмжээний үеэр ХХЗХ-ны төлөөлөгчид 2019 оны 06-р сарын 24-нд Сингапур Улсын зохицуулах байгууллага "IMDA - Infocomm Media Development Authority"-тай уулзалт зохион байгуулж зохицуулалтын үйл ажиллагааны чиглэлээр хамтран ажиллах, туршлага солилцох талаар санал солилцож, цаашид хамтын ажиллагааг өргөжүүлэхээр тохиролцов. ХХЗХ-ны зүгээс АНДБ нутагтаа зохицуулалтын үйл ажиллагаагаар тэргүүлдэг IMDA-ийн зохицуулалтын чиглэлээр хэрэгжүүлж буй туршлагаас суралцах, мэргэжилтнүүдээ сургах, чадавхжуулах, бүс нутгийн зохицуулах байгууллагуудын нэгдсэн үйл ажиллагаанд оролцох хүсэлтээ илэрхийлж, IMDA дэмжиж ажиллахаар боллоо. Уулзалтад IMDA-ийн дэд дарга Aileen Chia олон бусад холбогдох газар, хэлтсийн удирдлагууд оролцов.

 
 

 

Түүнчлэн 2019 оны 06-р сарын 25-нд Сингапур улс дахь Фэйсбүүк компанийн Ази-Номхон далайн бүс нутаг хариуцсан төвд айлчлал хийж, хамтын ажиллагааны цаашдын чиглэлийг ярилцаж тохиров.  

 

 

ХХЗХ-ны төлөөлөл 2019 оны 06-р сарын 27-28 хооронд Малайз Улсын зохицуулах байгууллага "MCMC – Malaysian Communications and Multimedia commission"-д зочиллоо. MCMC нь тус хорооны хүсэлтийг хүлээн авч тус хорооны төлөөллүүдэд зориулан зохицуулалтын үйл ажиллагааны талаар авч хэрэгжүүлж буй арга хэмжээний талаар 2 өдрийн уулзалт, семинарыг зохион байгууллаа. Энэхүү уулзалт, семинарын хөтөлбөрийн хүрээнд MCMC-ийн үндсэн салбар, нэгжүүдийн удирдлагууд өөрсдийн туршлага, зохицуулалтын үйл ажиллагааны талаар дэлгэрэнгүй танилцуулга, мэдээллийг хийж, тус хорооны төлөөллүүдтэй сонирхолтой харилцан яриа өрнүүлж, санал солилцсон үр дүнтэй арга хэмжээ болж өндөрлөлөө. Тус хорооны төлөөлөл ХХЗХ-ны даргын MCMC-тай хамтран ажиллах, хамтын ажиллагааг эхлүүлэх хүсэлтийг холбогдох дээд шатны удирдлагад уламжилсан бөгөөд MCMC-ийн зүгээс тус хорооны хүсэлтийг хүлээн авч, цаашид албан ёсоор хамтран ажиллахаар тохиролцлоо.

 

 

Мөн ХХЗХ-ны төлөөлөл Сингапур улсад байрлах Азийн бүсийг хариуцсан "DELL" компанийн төвд зочилж DELL-ийн үйл ажиллагаа, Дататөв-тэй танилцав.

Б.Ундрам
ШИНЭЧЛЭГДСЭН: 2019/07/01
Мэдээ мэдээлэл
Шуудангийн үйлчилгээний стандартууд шинэчлэгдлээ
Шуудангийн тухай хуульд нэмэлт өөрчлөлт оруулах тухай хууль 2019 оны 05 дугаар сарын 30-нд батлагдсанаар шуудангийн үйлчилгээний стандартуудыг шинэчлэх ажлыг ХХЗХ-ны ШЗГ-аас хийж гүйцэтгэлээ.
08.21
РӨН-ийн үйлчилгээ эрхлэгчдэд 2019 оны 7-р сарын эхний хагаст хийсэн суурин хяналтын мэдээ
РӨН-ийн үйлчилгээ эрхлэгчдэд 2019 оны 7-р сарын эхний хагаст хийсэн суурин хяналтын мэдээ
07.29
РӨН-ийн үйлчилгээ эрхлэгчдэд 2019 оны 6-р сарын сүүлийн хагаст хийсэн суурин хяналтын мэдээ
РӨН-ийн үйлчилгээ эрхлэгчдэд 2019 оны 6-р сарын сүүлийн хагаст хийсэн суурин хяналтын мэдээ
07.29
РӨН-ийн үйлчилгээ эрхлэгчдэд 2019 оны 6-р сарын эхний хагаст хийсэн суурин хяналтын мэдээ
РӨН-ийн үйлчилгээ эрхлэгчдэд 2019 оны 6-р сарын эхний хагаст хийсэн суурин хяналтын мэдээ
07.29
Стандарт боловсруулагчдад сургалт зохион байгууллаа
2018-2019 онд шинээр болон шинэчлэн боловсруулахаар батлагдсан стандартуудын боловсруулагчдад СХЗГ-тай хамтарч сургалт 2019 оны 7 дугаар сарын 4-ний өдөр зохион байгууллаа
07.22
ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ
ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ
07.22
Иргэн Н.Бадамхандаас ирүүлсэн хүсэлтийн дагуу радио давтамжтай цахилгаан соронзон орны хүний биед үзүүлэх нөлөөний аюулгүйн түвшний хэмжилт
Иргэн Н.Бадамхандаас ирүүлсэн хүсэлтийн дагуу радио давтамжтай цахилгаан соронзон орны хүний биед үзүүлэх нөлөөний аюулгүйн түвшний хэмжилт
07.18