WRC19-Д бэлтгэх Ази-номхон далайн цахилгаан холбооны байгууллагуудын урьдчилсан байр суурь батлагдлаа
ХХЗХ
 

Олон Улсын Цахилгаан Холбооны Байгууллага (ОУЦХБ)-аас 2019 оны 10 сарын 28-наас 11 сарын 22-ны хооронд Египет улсын Шарм Эл-Шейх хотод зохион байгуулагдах Дэлхийн Радио Холбооны Их Хуралд (ДРИХ) бэлтгэх Ази-Номхон Далайн Цахилгаан холбооны гишүүн байгууллагуудын 5 дахь удаагийн уулзалт 2019 оны 7 сарын 31-ээс 8 сарын 6-ны хооронд Япон улсын Токио хотноо Япон улсын Харилцаа холбоо ба Дотоод хэргийн яамны дэмжлэгтэйгээр зохион байгуулагдлаа.

Тус хуралдаанд АНДЦХБ-ын гишүүн 25 орны 470 төлөөлөгчид оролцож ДРИХ-д хэлэлцүүлэх 25 бүлэг асуудлыг хэлэлцэн 44 асуудалд санал нэгдэж (https://www.apt.int/2019-APG19-5 ) АНДЦХБ-ын нэгдсэн саналыг эцэслэн баталлаа. Энэхүү хуралдаанд Монгол улсыг төлөөлж Харилцаа холбооны зохицуулах хорооны Радио давтамжийн зохицуулалт, хяналтын газрын дарга З.Амгалан, ХХМТГ-ын мэргэжилтэн С.Онончимэг нар өөрийн орны байр суурийг танилцуулан оролцлоо.  

ДРИХ-д хэлэлцэх Газрын болон Хөдөлгөөнт холбооны талаар хэлэлцсэн зарим шийдвэрүүдийг дор товч танилцууллаа. Үүнд:

АСУУДАЛ 1.1:

Тогтоол 658 (WRC‑15)-ийн дагуу I бүсэд 50-54 МГц-ийн давтамжийн зурвасын төлөвлөлтөд сонирхогчийн үйлчилгээг авч үзэх тухай.

АСУУДАЛ 1.11:

Тогтоол 236 (WRC-15) дагуу одоо ашиглагдаж байгаа үүрэн холбооны үйлчилгээний зурваст “Төмөр замын радио холбоо”-ны системийг сайжруулахын тулд Олон улсад эсвэл Бүс нутагт зохицуулагдсан давтамжийн зурвасыг төлөвлөх, шаардлагатай арга хэмжээг зүй зохистой хэрэгжүүлэх тухай.

АСУУДАЛ 1.12:

Тогтоол 237 (WRC-15) дагуу одоо ашиглагдаж байгаа үүрэн холбооны үйлчилгээний зурваст “Ухаалаг Тээврийн Систем”-ийн ашиглалтыг Олон улсад эсвэл бүс нутагт зохицуулагдсан радио давтамжийн зурвасуудад хамгийн боломжит хэмжээгээр авч үзэх.

АСУУДАЛ 1.13:

Тогтоол 238 (WRC‑15) дагуу хөдөлгөөнт үйлчилгээнд боломжит нэмэлт төлөвлөлтийг багтаасан Дараа Үеийн Хөдөлгөөнт Холбооны Технологийн ирээдүйн хөгжилд давтамжийн зурвасыг авч үзэх.

АСУУДАЛ 1.14:

ОУЦХБ-ын судалгаанд үндэслэсэн Тогтоол 160 (WRC‑15) дагуу одоо ашиглагдаж байгаа суурин үйлчилгээний зурваст HAPS (high-altitude platform stations)-д зориулсан зохистой зохицуулалтын арга хэмжээг авч үзэх;

АСУУДАЛ 1.16:

Тогтоол 239 (WRC-15)-ийн дагуу радио давтамжийн 5150-5925МГц-ийн зурваст утасгүй дотоод холбооны систем (WAS/RLAN)-ийн зохицуулалтын арга хэмжээг хөдөлгөөнт үйлчилгээний нэмэлт төлөвлөлттэй хамт хэрэгжүүлэх.

АСУУДАЛ 8:

Тогтоол 26 (Rev.WRC-07)-ын дагуу зохицуулалтын эрх бүхий байгууллагаас ирүүлсэн хүсэлтийн дагуу тухайн зохицуулалтын байгууллагын орны нэр орсон нэмэлт тайлбарыг шаардлагагүй гэж үзвэл хасах, устгах талаар авч үзэх.

АСУУДАЛ 10:

Хурлын Зүйл 7-ийн дагуу дараагийн Дэлхийн Радиогийн Их Хуралд тавигдах зүйлүүдийг Зөвлөлд оруулах, дараагийн хуралд тэдгээрийн урьдчилсан дүгнэлт, хөтөлбөрийг танилцуулах;

ДРИХ-23 тавигдах урьдчилсан хөтөлбөрийн асуудлууд:

  • 2.1-т GMDSS-ийн шинэчлэлийн талаар;
  • 2.2-т 45МГц-ийн зурвас дахь Сансарын радарын (Дэлхийн гадаргын зургийг илгээх) тухай;
  • 2.3-т Сансарын цаг уурын мэдрэгчүүдийн талаар;
  • 2.5-т I бүсэд 470-960 МГц-ийн зурвасыг дахин авч үзэх тухай;
  • 2.4-т Тогтоол 810 (WRC-15) дахин хэлэлцэх тухай.

Үүнээс гадна:

  • Радио давтамжийн 5925-7125 МГц-ийн зурваст цаашид Дараа Үеийн Хөдөлгөөнт Холбооны Технологийг (ДҮХХТ) нэвтрүүлэх талаар судалгаа хийх;
  • Радио давтамжийн 2.7 ГГц-ээс доош зурваст HAPS технологид хөдөлгөөнт холбооны давтамжийн зурвасаас ашиглах талаар авч үзэх;
  • Радио давтамжийн 5150-5975 МГц-ийн зурваст цаашид ДҮХХТ нэвтрүүлэх талаар судалгаа хийх;
  • Радио давтамжийн 4800-4990 МГц-ийн зурваст цаашид ДҮХХТ нэвтрүүлэх талаар судалгаа хийх;
  • Радио давтамжийн 1427-1518 МГц-ийн зурваст цаашид ДҮХХТ нэвтрүүлэх талаар судалгаа хийх зэрэг асуудлуудын хүрээнд амжилттай болж өндөрлөлөө.

Дэлгэрэнгүй мэдээллийг дараах линкээс үзэж танилцана уу! https://www.apt.int/APTAPG;

 
 

 

 

 

 

 

С.Дашбалбар
ШИНЭЧЛЭГДСЭН: 2019/09/18
Мэдээ мэдээлэл
Харилцаа холбооны зохицуулах хорооны 2020 оны ээлжит 3 дугаар хуралдааны мэдээлэл
Харилцаа холбооны зохицуулах хорооны 2020 оны ээлжит 3 дугаар хуралдааны мэдээлэл
04.06
Богино зайн радио холбооны тоног төхөөрөмжид ашиглах радио давтамжийн зурвасын хуваарилалт, техникийн нөхцөл, шаардлагад санал авах тухай
Богино зайн радио холбооны тоног төхөөрөмжид ашиглах радио давтамжийн зурвасын хуваарилалт, техникийн нөхцөл, шаардлагад санал авах тухай
04.03
“МИНИЙ ГЭР – АЮУЛГҮЙ ОРЧИН” цахим захидлын уралдааны шалгаруулалтын дүн
“МИНИЙ ГЭР – АЮУЛГҮЙ ОРЧИН” цахим захидлын уралдааны шалгаруулалтын дүн
04.02
Салбарын 2019 оны жилийн эцсийн үндсэн үзүүлэлтүүд
Салбарын 2019 оны жилийн эцсийн үндсэн үзүүлэлтүүд
04.01
РӨН-ийн үйлчилгээ эрхлэгчдэд 2020 оны 03-р сард хийсэн суурин хяналтын мэдээ
РӨН-ийн үйлчилгээ эрхлэгчдэд 2020 оны 03-р сард хийсэн суурин хяналтын мэдээ
04.01
Мессежний тусгай дугаар эзэмшигчдийн мэдээлэл
Мессежний тусгай дугаар эзэмшигчдийн мэдээлэл
04.01
Харилцаа холбооны зохицуулах хорооны 2020 оны 2 дугаар сард хүлээн авсан баримт бичгийн мэдээ
Харилцаа холбооны зохицуулах хорооны 2020 оны 2 дугаар сард хүлээн авсан баримт бичгийн мэдээ
03.30
Жилийн тайлан 2018
Жилийн тайлан 2018
03.30
ЗАРЛАЛ
Орон нутгийн өргөн нэвтрүүлгийн радио, телевиз, кабелийн сувгийн үйлчилгээ эрхлэгчдэд
03.27
МЭДЭГДЭЛ
Дараах хуулийн этгээд /иргэн/ -үүд тус журамд заасан хугацааны дотор зөвшөөрлийн хугацаагаа сунгуулах хүсэлтээ ирүүлнэ үү
03.27