Харилцаа холбооны зохицуулах хорооны 2017 оны ээлжит 12 дугаар хуралдааны мэдээлэл
ХХЗХ

Монгол Улсын Харилцаа холбооны зохицуулах хорооны 2017 оны ээлжит 12 дугаар хуралдааныг 2017 оны 12 дугаар сарын 27-ны өдөр зохион байгуулав. Тус хорооны хуралдаанаар Радио өргөн нэвтрүүлгийг тоон технологид шилжүүлэх талаар  цаашид хэрэгжүүлэх арга хэмжээний саналын тухай танилцуулга (Улаанбаатар хотод тоон радиогийн өргөн нэвтрүүлгийн олон сувгийг дамжуулан хүргэх үйлчилгээ); Дансны авлагын дүнг шийдвэрлэх тухай; Тусгай зөвшөөрлийн тухай зэрэг асуудлыг хэлэлцэн шийдвэрлэв. Энэхүү хуралдаанаас дээрх хэлэлцсэн асуудлаар 4 тогтоолыг баталж, хорооны хуралдааны 2 тэмдэглэлээр удирдамж чиглэл, хугацаатай даалгаварыг хорооны дарга болон холбогдох газар, хэлтэст өглөө.

Харилцаа холбооны салбарын асуудал эрхэлсэн төрийн захиргааны байгууллагаас 2017 оны 7 сард “Монгол Улсад радио өргөн нэвтрүүлгийн тоог технологид шилжүүлэхэд баримтлах чиглэл”-ийг шинэчлэн баталсан. Энэ баримт бичигт “хот, сум, суурин газрыг хамарсан тоон радио өргөн нэвтрүүлгийн сүлжээ байгуулахад DAB+ технологийг ашиглана (3.1.2)”; “Харилцаа холбооны зохицуулах хороо нь аналог радио өргөн нэвтрүүлгийн үйлчилгээ эрхлэх тусгай зөвшөөрлийн зохицуулалтыг хийж, тоон радио өргөн нэвтрүүлгийн дамжуулах сүлжээний тусгай зөвшөөрлийн нөхцөл шаардлагыг шинээр боловсруулж, олгох ажлыг зохион байгуулна (6.6)”; “Аналоги радио өргөн нэвтрүүлгийн дамжуулах сүлжээний нэвтрүүлэгчийг 2021 оны 10 сарын 15 өдөр унтраана. Тоон системд шилжих нөхцөл байдлаас шалтгаалан уг хугацаа өөрчлөгдөж болно (6.10)” гэж тус тус заасан билээ. Зохицуулах хорооны 2017 оны ээлжит 12 дугаар хуралдаанаар Радио давтамжийн зохицуулалт, хяналтын газар, Захиргааны удирдлага хамтын ажиллагааны газраас хамтран боловсруулсан Радио өргөн нэвтрүүлгийг тоон технологид шилжүүлэх талаар цаашид хэрэгжүүлэх арга хэмжээний саналын танилцуулга (Улаанбаатар хотод тоон радиогийн өргөн нэвтрүүлгийн олон сувгийг дамжуулан хүргэх үйлчилгээ), хуралдааны тэмдэглэлийн төслийг авч хэлэлцээд, хорооны хуралдааны “Радио өргөн нэвтрүүлгийг тоон технологид шилжүүлэх талаар авах зарим арга хэмжээний тухай” 21 дүгээр тэмдэглэлээр удирдамж чиглэл өгч, хугацаатай даалгаварыг холбогдох газар, хэлтэст өглөө. Үүнд: ХХМТГ-ын Даргын 2017 оны А/71 дугаар тушаалаар шинэчлэн баталсан “Монгол Улсад радио өргөн нэвтрүүлгийн тоон технологид шилжүүлэхэд баримтлах чиглэл”, МШХХТГ-ын Даргын 2016 оны А/49 тоот тушаалаар баталсан “Үндэсний радио давтамжийн зурвасын хүснэгт” зэрэг баримт бичгийн холбогдох заалтыг хэрэгжүүлэх зорилгоор “Улаанбаатар хотод тоон радиогийн өргөн нэвтрүүлгийн олон сувгийг дамжуулан хүргэх үйлчилгээ” эрхлэх хүсэлт ирүүлсэн нэр бүхий хуулийн этгээдэд тусгай зөвшөөрөл олгох арга хэмжээг зохион байгуулах ажлын хэсгийг байгуулан ажиллахаар тогтов. Энэхүү тэмдэглэлээр ажлын хэсгийн үйл ажиллагааны баримтлах үндсэн зарчим, тусгай зөвшөөрлийн гэрээнд тусгах шаардлагатай асуудлын талаар удирдамж, чиглэл өгч, ажлын хэсгээс гүйцэтгэсэн ажил, гэрээний баримт бичгийн төслийг боловсруулан тусгай зөвшөөрөл олгох асуудлыг 2018 оны 1 дүгээр улиралд багтаан хорооны хуралдаанд танилцуулахыг Радио давтамжийн зохицуулалт, хяналтын газар /З.Амгалан/, Захиргааны удирдлага хамтын ажиллагааны газар /З.Эрдэнэчулуун/, Зохицуулалтын бодлогыг хэрэгжүүлэх газар /С.Долгорсүрэн/-т  тус тус үүрэг болгов.

Монгол Улсын Нягтлан бодох бүртгэлийн тухай хуулийн 18.2 болон Харилцаа холбооны зохицуулах хорооны дүрмийн 3.1.2 дах хэсгийг үндэслэн “Харилцаа холбооны зохицуулах хорооны нягтлан бодох бүртгэлийн бодлогын баримт бичиг”-ийг Хорооны Даргын 2017 оны А/203  тоот тушаалын хавсралтаар батлан 2017 оны 10 дугаар сарын 06-ны өдрөөс мөрдөж байна. Энэхүү баримт бичиг нь Монгол Улсын хууль, тогтоомж болон Улсын Секторын Нягтлан Бодох Бүртгэлийн Олон Улсын стандарт, Сангийн яамны сайд, ХХЗХ-ны Даргын тушаалаар баталсан журам, заавар, аргчлалын шаардлагад бүрэн нийцсэн бөгөөд тус хорооны нягтлан бодох бүртгэлийг хөтөлж, санхүүгийн тайланг бэлтгэхэд баримтлах ажлын бодлого, зарчим, горим, агуулга, удирдлага зохион байгуулалт, аргачлалыг тогтоож өгсөн чухал ач холбогдолтой юм. Энэхүү бодлогын баримт бичгийг хэрэгжүүлэх зорилгоор Захиргааны удирдлага, хамтын ажиллагааны газраас “Дансны авлагын дүнг шийдвэрлэх саналын тухай” танилцуулга, тогтоол ба хуралдааны тэмдэглэлийн төслийг боловсруулан хуралдаанд хэлэлцүүлэв. Захиргааны ерөнхий хуулийн 49 дүгээр зүйлийн 49.1 дэх хэсгийг үндэслэн тусгай зөвшөөрөл олгох тухай Зохицуулах хорооны тогтоол гарсан боловч тусгай зөвшөөрлийн гэрээ байгуулаагүй, гэрчилгээгээ аваагүй нэр бүхий иргэн, хуулийн этгээдэд тусгай зөвшөөрөл олгох тухай тогтоолын тухайн иргэн, хуулийн этгээдэд холбогдох хэсгийг цуцалсан “Тогтоолын холбогдох хэсгийг цуцлах тухай” 2017 оны 12 дугаар сарын 27-ны өдрийн 62 тоот тогтоолыг батлав. Энэхүү тогтоол батлагдсантай холбогдуулан тусгай зөвшөөрөл олгох тухай тогтоолын дагуу үүсгэсэн авлагыг залруулах арга хэмжээг зохион байгуулж шийдвэрлэх, тогтоолын хэрэгжилтэд хяналт тавьж ажиллахыг тус Хорооны дарга /С.Адъяасүрэн/-д үүрэг болголоо. Уг тогтоолыг хэрэгжүүлэх ажлыг зохион байгуулах талаар “Тогтоолыг хэрэгжүүлэх зарим арга хэмжээний тухай” хорооны хуралдааны 22 дугаар тэмдэглэлийг гаргаж, тус хорооны 2014 оны 2 дугаар сарын 27-ны өдрийн 10 тоот тогтоолоор батлагдсан Харилцаа холбооны сүлжээ, дэд бүтцийн суурилуулалт, засвар үйлчилгээ эрхлэх тусгай зөвшөөрлийн нөхцөл шаардлагын дагуу төрөл нь байхгүй болж цуцлагдсан “Барилгын дотор холбооны монтаж, угсралт суурилуулалт”, “Дотоод холбооны сүлжээний суурилуулалт, засвар”-ын үйлчилгээ эрхлэх хуралдааны тэмдэглэлийн хавсралтад заасан нэр бүхий 84 иргэн, хуулийн этгээдийн зөвшөөрлийн 64,1 сая төгрөгийн авлагыг санхүүгийн тайлангийн урд оны үр дүнгээс хасч, залруулах арга хэмжээг авах; тусгай зөвшөөрөл олгосон тухай шийдвэр цуцлагдсантай холбоотойгоор тусгай зөвшөөрлийн гэрээ байгуулаагүй, гэрчилгээ аваагүй иргэн, аж ахуйн нэгжийг тусгай зөвшөөрөл, эрхийн бичиг, бүртгэлийн гэрчилгээ эзэмшигчээр бүртгэсэн тусгай зөвшөөрлийн программын хүчинтэй төлвийг өөрчлөх, үүсгэсэн авлагыг залруулах арга хэмжээ авах зэрэг болно. Тэмдэглэлийн хэрэгжилтэд хяналт тавьж ажиллахыг тус Хорооны дарга  /С.Адъяасүрэн/-д даалгав.

Тус хорооны хуралдаанаар “Тусгай зөвшөөрөл олгох тухай”, “Тусгай зөвшөөрөлд өөрчлөлт оруулах тухай”, “Тусгай зөвшөөрөл хүчингүй болгох тухай” газар, хэлтсийн боловсруулсан танилцуулга, дүгнэлт болон тогтоолын төслийг авч хэлэлцэв. Хэлэлцсэн асуудлаар дараах тогтоолыг батлан шийдвэрлэв:

  • 2017 оны 12 дугаар сарын 27-ны өдрийн 59 тоот тогтоолын хавсралтаар нийт 9 хуулийн этгээдэд тусгай зөвшөөрөл шинээр олгосон;
  • 2017 оны 12 дугаар сарын 27-ны өдрийн 60 тоот тогтоолын хавсралтаар 4 хуулийн этгээдийн тусгай зөвшөөрөлд нэмэлт өөрчлөлт оруулсан;
  • 2017 оны 12 дугаар сарын 27-ны өдрийн 61 тоот тогтоолоор 1 хуулийн этгээдийн тусгай зөвшөөрлийг хүчингүй болгосон болно.

(Хуралдааны баталсан тогтоолын жагсаалт, холбогдох хавсралтыг үзнэ үү).

С.Дашбалбар
ШИНЭЧЛЭГДСЭН: 2018/01/12
Мэдээ мэдээлэл
2019 оны 9 сар: Улаанбаатар хотод үйл ажиллагаа явуулж байгаа өргөн нэвтрүүлгийн телевиз, сувгийн хөтөлбөрт тавигдах нөхцөл шаардлагын биелэлтэд хийсэн хяналт, мониторингийн аналитик тайлан
2019 оны 9 сар: Улаанбаатар хотод үйл ажиллагаа явуулж байгаа өргөн нэвтрүүлгийн телевиз, сувгийн хөтөлбөрт тавигдах нөхцөл шаардлагын биелэлтэд хийсэн хяналт, мониторингийн аналитик тайлан
10.21
“Цахим орчны хүүхэд хамгаалал” форум болно
Харилцаа холбооны зохицуулах хороо болон НҮБ-ын Хүүхдийн сан хамтран “Цахим орчны хүүхэд хамгаалал” форумыг 2019 оны 10 дугаар сарын 22-ны өдөр зохион байгуулах гэж байна
10.18
РӨН-ийн үйлчилгээ эрхлэгчдэд 2019 оны 10-р сарын эхний хагаст хийсэн суурин хяналтын мэдээ
РӨН-ийн үйлчилгээ эрхлэгчдэд 2019 оны 10-р сарын эхний хагаст хийсэн суурин хяналтын мэдээ
10.17
Зүүн бүсийн аймгуудад үйл ажиллагаа явуулж буй үйлчилгээ эрхлэгчдийн үйл ажиллагаанд хяналт, шалгалтыг хийлээ
Улаанбаатар хотын алслагдсан Налайх, Багануур, Багахангай дүүргүүд болон Дорноговь аймгийн Сайншанд, Замын-Үүд сумд, Говьсүмбэр, Дорнод, Хэнтий, Сүхбаатар аймгуудад үйл ажиллагаа явуулж буй тус хорооноос тусгай зөвшөөрөлтэй үйлчилгээ эрхлэгчдийн үйл ажиллагааг газар дээр нь шалгаж, холбогдох хууль тогтоомж түүнд нийцүүлэн гаргасанжурам, нөхцөл шаардлагын биелэлт болон тусгай зөвшөөрлийн гэрээний хэрэгжилтийн байдалд хэмжилт, шалгалтыг хийж, зөрчлөөс урьдчилан сэргийлэх, илэрсэн зөрчлийг арилгах, таслан зогсоох, шударга өрсөлдөөнийг бий болгох зорилгоор шалгалтыг 2019 оны 08-р сарын 21-нээс 31-ний өдрүүд, 09-р сарын 4-нөөс 16-ны өдрүүдэд хийж гүйцэтгэлээ.
10.16
MNS ISO IEC 17065:2013 стандартад нийцүүлэн боловсруулсан Чанарын тогтолцооны багц журмын төсөл болон Чанарын гарын авлагын төсөлд санал авч байна
Харилцаа холбооны зохицуулах хорооны баталгаажуулалтын үйл ажиллагаанд гүйцэтгэх ажлын чиглэлийг тодорхойлох MNS ISO IEC 17065:2013 стандартад нийцүүлэн боловсруулсан Чанарын тогтолцооны багц журмын төсөл болон Чанарын гарын авлагын төсөлд санал авч байна
10.16
Монгол Улс БНХАУ-тай хил орчмын радио давтамжийн зохицуулалтын гэрээ байгууллаа
Монгол Улс болон Бүгд Найрамдах Хятад Ард Улс хоорондын хил орчмын радио давтамжийн зохицуулалтын хүрээнд III уулзалт 2019 оны 10 дугаар сарын 9-нөөс 11-ний өдрүүдэд Бүгд Найрамдах Хятад Ард Улсын Бээжин хотноо болж өнгөрлөө.
10.16
Бусдад зөв мэдээллийг түгээе
Цахим орчин, нийгмийн сүлжээнд нийтэлсэн аливаа худал хуурмаг мэдээлэл нь өвсөнд гал тавихтай адил хурдан тархаж, олон нийтийн санаа бодлыг үймүүлэх, төөрөлдүүлэх, улмаар нийгмийн эмх замбараагүй байдал үүсэж, үндэсний аюулгүй байдалд сөргөөр нөлөөлөх хүртэл хор уршигтай. Тиймээс та аливаа мэдээллийг бусдад түгээхээсээ өмнө fake news буюу худал мэдээлэл мөн эсэхийг нягтлан шалгаж сураарай. Зөвхөн зөв мэдээллийг л бусдад түгээцгээе.
10.14
Сургалт зохион байгуулах тухай
Харилцаа холбоо, мэдээллийн технологийн салбарын мэргэжилтэнд мэргэшлийн зэрэг олгох сургалтыг тус сургууль дээр 2019 оны 10-р сарын 30-ээс 12 сарын 5-ны хооронд зохион байгуулахаар төлөвлөж байна. Энэ удаагийн сургалтаар зөвлөх болон мэргэшсэн инженерийн сургалт, сунгалтыг хийнэ.
10.14
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 09-р сард хийсэн мониторингийн дүн
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 09-р сард хийсэн мониторингийн дүн
10.11
Санал асуулга явагдаж байна. Та бүхэн идэвхитэй оролцохыг урьж байна
Энэхүү санал асуулга нь тусгай дугаарын үйлчилгээ эрхлэгчдийн үйлчилгээний чанар болон хэрэглэгчдийн сэтгэл ханамжийг тодорхойлох, үнэ тарифын зохистой байдлыг илрүүлэх зорилготой юм.
10.11