Харилцаа холбооны зохицуулах хорооны урилгаар Олон улсын цахилгаан холбооны байгууллагын хөгжлийн газрын (ITU-D) дарга ноён БРАХИМА САНОУ, Ази-номхон далайн бүсийн орнуудын захирал ноён ИОАНЕ КОРОЙВУКИ нар Монгол улсад айлчиллаа
ХХЗХ
4990da dsc 0101 x800

Олон улсын цахилгаан холбооны байгууллагын Хөгжлийн газрын (the ITU Telecommunication Development Sector (ITU-D) дарга ноён Брахима Саноу болон тус байгууллагын Ази, Номхон далайн бүсийн (The Regional Office for Asia and the Pacific)  захирал ноён Иоане Коройвуки нар Харилцаа холбооны зохицуулах хорооны урилгаар Монгол Улсад 2017 оны 8-р сарын 24-25-ны өдрүүдэд албан ёсны айлчлал хийлээ.

ОУЦХБ-ын дээд түвшний төлөөлөгчдийг хүлээн авч уулзах үеэр хорооны дарга С.Адъяасүрэн хэлсэн үгэндээ, урилгыг хүлээн авч Монгол Улсын Харилцаа холбооны зохицуулах хороо (ХХЗХ)-нд хүрэлцэн ирсэн явдалд талархал илэрхийлэн, харилцаа холбоо, мэдээллийн технологи (ХХМТГ)-ийн салбарын хөгжилд чухал үүрэг гүйцэтгэдэг Хөгжлийн газар үүсгэн байгуулагдсаны 25 жилийн ой энэ онд тохиож буй явдалд баяр хүргэв. Тус байгууллагатай хамтын ажиллагааг цаашид өргөжүүлэхэд салбарын хүний нөөцийн чадавхыг бэхжүүлэх зорилгоор жил бүр зохион байгуулдаг хурал семинар, сургалтад тэтгэлэгтэй оролцох боломжийг нэмэгдүүлэх, холбогдох шинэ төслүүдийг хамтарч хэрэгжүүлэх зэрэг асуудлуудыг тэргүүлэх чиглэл гэж тодорхойлон, Хорооны зүгээс хамтын ажиллагааг цаашид улам бэхжүүлэх, хамтран ажиллахад бэлэн буйгаа илэрхийллээ.

Ноён Саноу, Хорооны төлөөллүүдтэй хийсэн уулзалт хурлын үеэр хэлсэн үгэндээ, Монгол орны ХХМТ-ийн салбарын хөгжлийг хурдасгахад идэвхийлэн ажиллаж буй Хорооны дарга С.Адъяасүрэн болон түүний хамт олонд талархал илэрхийлээд, Монгол оронд зочилж буй үйл явдал нь Монгол Улсын нийгэм эдийн засгийн хөгжилд салбарын гүйцэтгэх үүрэг, ач холбогдлын цар хүрээ, энэ салбарын эрчимтэй хөгжиж буй нөхцөл байдал, ХХЗХ-ны Хөгжлийн газрын гишүүнчлэлийн идэвхитэй хамтын ажиллагаа болон үзэсгэлэнт Монгол оронд хийж буй түүний хамгийн анхны айлчлал зэрэг нь энэ удаагийн айлчлалын онцлог гэдгийг цохон тэмдэглэв.

Харилцаа холбооны зохицуулах хорооны удирдлага, төлөөллүүдтэй зохион байгуулсан уулзалт хурлын үеэр Зохицуулалтын бодлогыг хэрэгжүүлэх газрын Ахлах мэргэжилтэн Х.Нинжболор бэлтгэсэн илтгэлдээ Монгол орны онцлог байдал, 2 байгууллагын өнгөрсөн хугацаанд хийж хэрэгжүүлсэн ажлууд болон одоо хэрэгжиж буй төслийн талаар мөн ХХМТ-ийн салбарын өнөөгийн хөгжлийн нөхцөл байдлыг дэлхийн болон Ази, Номхон далайн бүсийн орнуудтай харьцуулсан судалгаа, үүрэн болон суурин холбоо хэрэглэгчдийн мэдээллийг бусад хөгжиж буй болон дэлхийн бусад орнуудын дундажтай харьцуулсан статистик мэдээллийг танилцууллаа. Түүнчлэн ХХЗХ-ны эрхэм зорилго, үүрэг хариуцлага, бүтэц зохион байгуулалт, гадаад хамтын ажиллагаатай ижил түвшний салбарын зохицуулах байгууллагуудын талаар, олон улсын байгууллагуудын тусламжтай хэрэгжиж буй үндэсний хэмжээний төслүүд, зохицуулалт хууль эрх зүйн орчинд тулгамдаж буй асуудлууд, цаашид авч хэрэгжүүлэх үйл ажиллагаа зорилтын талаар гэх мэт өргөн сэдвүүдийг хамарсан сонирхолтой илтгэлийг тавьсны дагуу, талууд өөрсдийн сонирхсон асуудлуудаар харилцан хэлэлцүүлэг өрнүүлж мэдээлэл, саналаа солилцлоо.

ОУЦХБ-ын зочид ноён Брахима Саноу, Иоане Коройвуки нарын айлчлалын хугацаа богино төлөвлөгдсөн хэдий ч, ХХЗХ-ноос айлчлалын үеэр  Монгол Улсын Засгийн газрын Хэрэг эрхлэх газрын төлөөлөлтэй богино хугацааны уулзалт зохион байгуулан, манай улсын харилцаа холбоо, мэдээллийн технологийн салбарын томоохон үйлчилгээ үзүүлэгч, сектор гишүүн байгууллагын төлөөллүүд, Харилцаа Холбоо, Мэдээллийн Технологийн Газар, Мэдээлэл Холбооны Сүлжээ ТӨК, Скайтел ХХК, Мобиком Корпораци, Юнител ХХК, Жи-Мобайл ХХК-ны төлөөллүүдтэй хүлээн авалт зохион байгуулж санал, мэдээлэл солилцсон нь төр хувийн хэвшлийн түншлэл, хамтын ажиллагааг дэмжих үр дүнтэй арга хэмжээ боллоо.

Ноён Саноу нь ОУЦХБ-ын үндсэн 3 газар (ITU-D, ITU-R, ITU-T)-ын нэг болох  Хөгжлийн газрыг (ITU-development) удирдан ажилладаг, тус байгууллагын хамгийн дээд удирдах түвшний 5 удирдлагад багтдаг ба үйл ажиллагааны үндсэн үүргүүдэд нь хөгжиж буй орнуудын нийгэм, эдийн засгийн хөгжлийг эрчимжүүлэхэд туслах зорилгоор мэдээлэл, харилцаа холбооны хэрэглээ, хүртээмжийг эрх тэгш байдлаар бүх нийтэд хүргэх, хүртээмжтэй байлгах, салбарын хүний нөөцийн чадавхийг бэхжүүлэх, Интернетийн холболтоор дамжуулан дэлхийн хүн төрөлхтөнд хүрэх үр өгөөжийг нэмэгдүүлэхэд дэмжин ажиллахад чиглэгддэг.

ОУЦХБ нь анх 1865 онд байгуулагдсан НҮБ-ын харилцаа холбоо, мэдээллийн технологийн чиглэлээр төрөлжсөн байгууллага ба Швейцарийн Женев хотод төвтэй юм. Өнөөдрийн байдлаар тус байгууллагад дэлхийн 193 орон гишүүнээр элссэн ба мэдээллийн технологи, харилцаа холбоо, радио холбоо, мэдээлэл болон стандартчиллын чиглэлээр ажилладаг хамгийн том байгууллага юм. Мөн 700 гаруй бодлого боловсруулагч, зохицуулагч төрийн байгууллагууд, эрдэм шинжилгээний институц, томоохон хувийн хэвшлийн технологийн байгууллагууд мөн гишүүнээр элссэн байдаг.

Монгол улс нь 1964 онд ОУЦХБ-ын гишүүн орноор албан ёсоор элссэн (member status) бол Харилцаа холбооны зохицуулах хороо нь тус байгууллагын Хөгжлийн газар (ITU-Development)-ын гишүүнээр 2007 оны 05-р сарын 28-ны өдөр элссэнээс хойш салбарын хэмжээнд дэлхий дахинд байнга хувьсан өөрчлөгдөж буй хөгжил, шинэчлэлтэй холбоотой олон улсын бодлого боловсруулагч, зохицуулагч нартай мэргэжлийн сургалт семинар бүс нутгийн мэтгэлцээн хэлэлцүүлэгт оролцох мөн ажлын хэсгүүдэд хамрагдан өөрийн орны туршлагад үндэслэн холбогдох зөвлөмжид санал оруулах, дэлхийн шилдэг экспертүүдтэй туршлага солилцох, мэдээлэл хуваалцах, техник төхөөрөмжийн туслалцаа авах, төр болон хувийн хэвшлийн түншлэлийн асуудлуудын талаар туршлага судлах, салбарын тэргүүлэх зэргийн статистик судалгаа мэдээг авах, гишүүнчлэлийн эрхийн хүрээнд мэдээлэл, зөвлөмж авах гэх мэт чиглэлүүдээр хамтран ажилласаар байгаа билээ.

 

 

Э.Дөлгөөн
ШИНЭЧЛЭГДСЭН: 2017/09/06
Мэдээ мэдээлэл
“ХАРИЛЦАА ХОЛБООНЫ ХӨГЖИЛ: ШУУДАНГИЙН САЛБАРЫН ЗОХИЦУУЛАЛТ- 2017”
Харилцаа холбооны зохицуулах хорооноос шуудангийн салбарын өнөөгийн бодлого, зохицуулалт, хөгжлийн чиглэлээр 2004 оноос эхлэн жил бүр хэлэлцүүлэг, зөвлөгөөн, форумыг зохион байгуулж ирсэн билээ. Энэ удаагийн зөвлөгөөнийг “Харилцаа холбооны хөгжил: Шуудангийн зохицуулалт-2017” сэдвийн дор төр, хувийн хэвшлийн байгууллага, тусгай зөвшөөрөл эзэмшигчид оролцоно.
11.10
Улаанбаатар хотын хэт богино долгионы радио өргөн нэвтрүүлгийн үйлчилгээ эрхлэгчдэд 2017 оны 10-р сарын 01-31-ний өдрийн хооронд хийсэн суурин хяналтын товч мэдээ
Улаанбаатар хотын хэт богино долгионы радио өргөн нэвтрүүлгийн үйлчилгээ эрхлэгчдэд 2017 оны 10-р сарын 01-31-ний өдрийн хооронд хийсэн суурин хяналтын товч мэдээ
11.03
Зөвлөхийн тендерийн урилга
Зөвлөхийн тендерийн урилга
10.31
Харилцаа холбоо, мэдээллийн технологийн салбарын эдийн засагч, мэргэжилтнүүдийн чадварыг дээшлүүлэх зорилгоор “ӨРТГИЙН ЗАГВАРЧЛАЛ” сэдэвт сургалтыг ОУЦХБ-тай хамтран зохион байгуулж байна
Монгол улсын мэдээлэл, харилцаа харилцаа холбооны салбар нь хамгийн сайн либералчлагдсан салбар юм. Тийм ч учраас төрийн зүгээс хуулиар олгогдсоноос бусад зах зээлийн үнэ, тарифид хяналт тавиад байдаггүй. Зах зээлд нийлүүлэгдэж байгаа бүтээгдэхүүн, үйлчилгээнүүдийн үнэ тарифыг тогтоохдоо өртгөө хэрхэн тооцохоос ихээхэн хамаардаг.
10.24
Улаанбаатар хотын хэт богино долгионы радио өргөн нэвтрүүлгийн үйлчилгээ эрхлэгчдэд 2017 оны 07-р сарын 01-нээс 09-р сарын 30-ны өдрийн хооронд хийсэн суурин хяналтын мэдээ
Улаанбаатар хотод хэт богино долгионы радио өргөн нэвтрүүлгийн үйл ажиллагаа эрхлэх тусгай зөвшөөрөлтэй 31 аж ахуйн нэгжид 2017 оны 07 дугаар сарын 01-ний өдрөөс 09 дүгээр сарын 30-ны өдрийн хооронд суурин хяналт хийснээс 6 радиогийн үйлчилгээ эрхлэгчийн давтамжийн хазайлтын утга стандарт хэмжээнээс хэтэрсэн, эдгээрээс 1 радиогийн үйлчилгээ эрхлэгчийн эзэлсэн зурвасын өргөн стандарт хэмжээнээс их, 25 радиогийн үйлчилгээ эрхлэгчийн үйл ажиллагаа хэвийн ажиллаж байна
10.17
“ITU World Telecom 2017” зөвлөгөөнд оролцлоо
Дэлхийн цахилгаан холбооны байгууллагаас зохион байгуулсан “ITU Telecom World 2017” зөвлөгөөний арга хэмжээ нь БНСУ-ын Пусан хотноо 2017 оны 09 дүгээр сарын 25-28-ны өдрүүдэд хөтөлбөрийн дагуу мэтгэлцээн, ярилцлага, чуулган, үзэсгэлэн, шагнал гардуулах ёслолын ажиллагаатай болж өнгөрлөө.
10.16
2017 оны 2 дугаар улирал
2017 оны 2 дугаар улирал
10.16
Улаанбаатар хотын хэт богино долгионы радио өргөн нэвтрүүлгийн үйлчилгээ эрхлэгчдэд 2017 оны 09-р сарын 01-30-ны өдрийн хооронд хийсэн суурин хяналтын товч мэдээ
Улаанбаатар хотын хэт богино долгионы радио өргөн нэвтрүүлгийн үйлчилгээ эрхлэгчдэд 2017 оны 09-р сарын 01-30-ны өдрийн хооронд хийсэн суурин хяналтын товч мэдээ
10.11
“Харилцаа холбооны хөгжил-2017” Бүсийн зөвлөгөөн амжилттай зохион байгуулагдав
“Харилцаа холбооны хөгжил-2017” Бүсийн зөвлөгөөн амжилттай зохион байгуулагдав
10.09