Филипин Улсын нийслэл Манил хотноо Ази, Номхон далайн бүсийн хөгжлийн чуулга уулзалт зохион байгуулагдлаа
ХХЗХ
2f9c17 nar darga x800

Олон Улсын цахилгаан холбооны байгууллага (ОУЦХБ-ITU)-ын "Ази, Номхон далайн бүсийн хөгжлийн форум-2016" (ITU Regional Development Forum for Asia-Pacific Region-ITU RDF2016), “Хөгжлийн стратегийн чуулга уулзалт” (Innovative Strategies for Development Summit-ISDS)2016 оны 06 дугаар сарын 06-10-ны өдрүүдэд Филипин Улсын нийслэл Манил хотноо зохион байгуулагдав. Монгол Улсыг төлөөлж, тус хорооны хуралдааны нарийн бичгийн дарга Т.Наранмандах оролцлоо.  Тус чуулга уулзалтын 3 нэгдсэн болон 9 салбар хуралдаанд Ази, номхон далайн бүсийн мэдээлэл, харилцаа холбооны хөгжлийн тусгамдсан асуудлаар хэлэлцүүлэг өрнөсөн ба ОУЦХБ-ын “Ази, Номхон далайн бүсийн мэдээлэл, харилцаа холбооны хөгжлийн санаачлага: 2016-2018 он" хөтөлбөрийн богино, урт хугацааны зорилт, хэрэгжүүлэх төслийн агуулгыг хэлэлцэн тодорхойлоход оролцож, саналаа нэгдсэн хуралдааны үеэр танилцуулсан. ХХЗХ-ны төлөөлөл тус форумын 2 дах өдрийн “Бодлого ба зохицуулалт” сэдэвт 7 дугаар салбар (Session-7: Policy and Regulation) хуралдаанд Монгол Улсын салбарын зохицуулалт, бүс нутгийн хамтын ажиллагааны талаар илтгэл тавьж, тавьсан асуултад хариулав.

Ази, Номхон далайн бүсийн мэдээлэл, харилцаа холбооны салбарын бодлого боловсруулагч, зохицуулах байгууллагын чиг үүргийг шинэ орчинд нийцүүлэх, нийгэм-эдийн засгийн хөгжлийн түншлэгч болгох, мэдээлэл, харилцаа холбооны дэд бүтцийг хөгжүүлэх үеийн  зохицуулалтын асуудлууд зэрэг хэлэлцүүлэгт оролцож, зохицуулалтын арга барил, механизмыг уян хатан болгох хэрэгтэй байгаа, Монгол Улсад мэдээлэл, харилцаа холбооны чиглэлээр хэрэгжүүлсэн ба хэрэгжиж байгаа төсөл хөтөлбөр, ОХУ-Монгол-БНХАУ-ын 3 талын хамтын ажиллагааны талаар мэдээллийг танилцуулсан.

Улс орны хөгжлийн болон салбарын хөгжлийн бодлого боловсруулахад Засгийн газар, бодлого боловсруулагч, зохицуулах байгууллагын үүргийг тодорхой болгох, бодлого боловсруулахад бүх оролцогч талын оролцоог хангах, МХХТ-ийн улс орны нийгэм, эдийн засаг, хүний хөгжил, боловсрол,эрүүл мэндийн салбарт үзүүлэх нөлөөлөл, эерэг үр дүнг дээшлүүлэхэд ашиглах, ОУЦХБ болон бусад олон улсын байгууллагын хамтарсан хөтөлбөрийн үйл ажиллагааг цаашид уялдуулах, зохицуулалтын чиглэлээр саналаа нэгтгэх, харилцан мэдээлэл солилцох тогтолцоог хэрхэн бүрдүүлэх талаар хэлэлцэж, цаашид хамтран ажиллахаар тогтов. Түүнчлэн мэдээлэл, харилцаа холбооны хөгжлийн чиг хандлагууд, инновацид суурилсан зохицуулалтыг хэрэгжүүлэх, тогтвортой хөгжлийг дэмжих хэрэгсэл болгох, босоо тогтолцоо бүхий бодлого, зохицуулалтын арга ашиглах, төр болон хувийн хэвшлийн түншлэлийг нэмэгдүүлэх, ядуурлыг бууруулах, төрийн үйлчилгээг хүргэх, Засгийн газрын үр дүнтэй үйл ажиллагааг дэмжих, иргэдийн оролцоог хангахад МХХТ-ийн ололтыг өргөн ашиглах, бодлого зохицуулалтын шинэ орчинд нөлөөлөх асуудлууд, эко тоон тогтолцоог бүрдүүлэх асуудлаар гишүүн улс, орнууд хамтран ажиллахыг зөвлөмж болголоо.

ОУЦХБ-ын Хөгжлийн товчооны дарга Саноу (ITU-BDT), Ази Номхон далайн бүсийн (ITU-ASP) захирал Коровиуки, Зүүн Азийн бүсийн ахлах зөвлөх Аврора, Ази Номхон далайн эдийн засаг, нийгмийн комисс (UNESCAP)-ийн Мэдээлэл, холбооны хэлтсийн дарга Окуда, Дэлхийн банкны Сингапур улс дах салбарын мэдээлэл холбооны ахлах мэргэжилтэн Наташа Бесчхорнер, Азийн хөгжлийн банк, Ази номхон далайн мэдээллийн сүлжээний төв (APNIC), БНСУ, БНХАУ, Япон, Зүүн Тимор улс төлөөлөгчидтэй уулзаж, мэдээлэл харилцаа холбооны хөгжлийн чиг хандлагууд, бүс нутгийн хөгжил, хоёр талын цаашдын хамтын ажиллагааны боломжийн талаар саналаа солилцов. 

(форумд тавигдсан илтгэл, илтгэгч нарын намтар зэрэг мэдээллийг татаж авах : http://www.itu.int/en/ITU-D/Regional-Presence/AsiaPacific/Pages/Events/2016/May-RDF2016/home.aspx )

 

Б.Ундармаа
ШИНЭЧЛЭГДСЭН: 2016/06/21
Мэдээ мэдээлэл
“Дижитал шилжилт ба Апп эдийн засаг” сэдэвт сургалтыг ОУЦХБ-тай хамтран зохион байгуулах гэж байна
Харилцаа холбооны Зохицуулах хороо нь Олон улсын цахилгаан холбооны байгууллагатай хамтран харилцаа холбоо, мэдээллийн технологийн салбарын мэргэжилтнүүдийн чадавхыг дээшлүүлэх сургалт, семинарыг “Дижитал шилжилт ба Апп эдийн засаг” сэдвийн хүрээнд 10-р сарын 23-24-нд Монгол Улсад зохион байгуулахаар болоод байна.
10.18
“Монгол Улсын IPv6 нэвтрүүлэлт болон IPv6-ийн аюулгүй байдал” сэдэвт сургалт зохион байгуулагдаж байна
ХХЗХ-нь харилцаа холбоо, мэдээллийн технологийн салбарын үйлчилгээ эрхлэгчид, тэдгээрийн мэргэжилтнүүдийн дунд “Монгол улсын IPv6 нэвтрүүлэлт болон IPv6-ийн аюулгүй байдал” сэдвээр Олон Улсын Цахилгаан Холбооны Байгууллага (ITU), Ази номхон далайн бүсийн сүлжээ мэдээллийн төв (APNIC)-тай хамтран сургалт, хэлэлцүүлгийг 2018 оны 10-р сарын 22-26-ны хооронд зохион байгуулахаар төлөвлөж байна.
10.18
Монгол Улсын харилцаа холбооны сүлжээний дугаарлалтын нэгдсэн төлөвлөгөө шинэчлэн батлагдлаа
Монгол Улсын харилцаа холбооны сүлжээний дугаарлалтын нэгдсэн төлөвлөгөө шинэчлэн батлагдлаа
10.12
ДДэшТВ ХХК, Юнивишн ХХК-ийн сүлжээгээр нэвтрүүлж буй телевиз, сувгуудын дууны түвшинд хийгдсэн хэмжилт, тохируулгын 2018 оны 8 дугаар сарын дүн мэдээ
ДДэшТВ ХХК, Юнивишн ХХК-ийн сүлжээгээр нэвтрүүлж буй телевиз, сувгуудын дууны түвшинд хийгдсэн хэмжилт, тохируулгын 2018 оны 8 дугаар сарын дүн мэдээ
10.09
Цахилгаан соронзон долгион ба Эрүүл мэнд
Цахилгаан соронзон долгион ба Эрүүл мэнд
10.09
Харилцаа холбооны зохицуулах хорооны 2018 оны ээлжит 9 дүгээр хуралдааны мэдээлэл
Харилцаа холбооны зохицуулах хорооны 2018 оны ээлжит 9 дүгээр хуралдааны мэдээлэл
10.09
Мониторингийн 2018 оны 4,5,6,7 дугаар сарын тайлан
Мониторингийн 2018 оны 4,5,6,7 дугаар сарын тайлан
10.08
Ухаалаг гар утсанд зориулсан аппликейшн хөгжүүлэх уралдаан
Цахим орчны зүй зохистой хэрэглээг бий болгох, Үндэсний OTT үйлчилгээг бий болгож хэрэглээнд нэвтрүүлэх, дотоодын интернет урсгалыг нэмэгдүүлэх, дижитал эдийн засгийг дэмжих зорилгын хүрээнд программ хангамж хөгжүүлэгчдийн дунд тус уралдааныг зохион байгуулж байна.
10.05
“Цахилгаан соронзон орон-Эрүүл мэнд” лавлах аппликейшнаа татаж ашиглана уу
Олон улсын цахилгаан холбооны байгууллага, Дэлхийн эрүүл мэндийн байгууллагаас эрхлэн гаргасан “Цахилгаан соронзон орон (ЦСО) Лавлах” аппликейшныг Харилцаа холбооны зохицуулах хороо нь Монгол хэл рүү орчуулан гаргалаа.
10.03
"Цахилгаан соронзон орон-Эрүүл мэнд" гарын авлага
"Цахилгаан соронзон орон-Эрүүл мэнд" гарын авлага
10.03