“Тоон технологийн шилжилт, өргөн нэвтрүүлгийн бодлого зохицуулалт” сэдэвт орон нутгийн телевиз, радиогийн удирдах ажилтны семинарыг амжилттай зохион байгуулж өндөрлөлөө
ХХЗХ

Улаанбаатар хот, Чингис зочид буудал. 2015.04.22-23-ны өдөр

Монгол Улсын Засгийн газрын 2010 оны 275 дугаар тогтоолоор баталсан “Радио, телевизийн өргөн нэвтрүүлгийг тоон технологид шилжүүлэх үндэсний хөтөлбөр”-ийг хэрэгжүүлэх ажлын хүрээнд Монгол улсын аналоги телевизийн дахин дамжуулах станцуудыг 2015 оны 10-р сард бүрэн зогсоож, тоон технологид шилжих хуваарийг Мэдээллийн технологи, шуудан, харилцаа холбооны газраас батлаад билээ.

Иймд тоон технологийн шилжилттэй холбогдуулан Харилцаа холбооны зохицуулах хорооноос орон нутгийн телевиз, радио, ОСДҮЭ (Телевиз, радио, олон сувгийг дамжуулах үйлчилгээ эрхлэгч) (ММDS) үйлчилгээ эрхлэгчдийн  удирдах ажилтнуудад зориулан “Тоон технологийн шилжилт,  өргөн нэвтрүүлгийн бодлого, зохицуулалт” сэдэвт семинарыг 2015 оны 4ы дүгээр сарын 22,23-ны өдрүүдэд Улаанбаатар хотод зохион байгуулж, амжилттай болж өндөрлөлөө.

Харилцаа холбооны зохицуулах хорооноос радио, телевизийн өргөн нэвтрүүлгийг тоон технологид шилжүүлэх, түүний зохицуулалтын арга хэмжээг үе шаттай хэрэгжүүлэх ажлууд хийгдэж байгаагийн нэг нь радио долгионы хуваарилалттай холбоотой шаардлагатай арга хэмжээг авах, тоон технологийн шилжилттэй уялдсан зохицуулалтын баримт бичиг боловсруулж гаргах, өргөн нэвтрүүлгийн тусгай зөвшөөрөл эзэмшигчиддээ зориулсан сургалт, семинар зохион байгуулах зэрэг олон ажлууд хийгдэж байгаагийн нэг нь энэхүү арга хэмжээ юм.

2015 оны 7 дугаар сарын 15-наас эхлэн аналоги телевизийн дахин дамжуулах станцуудыг унтраах ажил эхэлж, өргөн нэвтрүүлгийг тоон технологид шилжүүлж байгаатай уялдан бодлого, зохицуулалтын хүрээнд төдийгүй үйлчилгээ эрхлэгчдийн хувьд хийж хэрэгжүүлэх ажлууд их байна. Тус семинарт орон нутгийн үйлчилгээ эрхлэгчид идэвхтэй оролцож нийт 21 аймгийн телевиз, радио, ОСДҮЭ-с 120 орчим  төлөөлөл оролцлоо. Орхон, Дархан-Уул, Баянхонгор, Хөвсгөл, Өвөрхангай, Өмнөговь, Сэлэнгэ аймгуудаас хамгийн олон оролцогчид ирсэн байна.

Энэхүү 2 өдрийн семинараар өргөн хүрээтэй олон асуудлыг хамарсан илтгэл, танилцуулга тавьж, асуудал тус бүрээр хэлэлцсэн ба оролцогчдоос өргөн нэвтрүүлгийн бодлого, зохицуулалтын чиглэлээр санал зөвлөмж хүргүүлсэн үр дүнтэй, ажил хэрэгч семинар болсон гэж зохион байгуулагчдын хувьд үзлээ.

Семинарт илтгэл тавьж оролцсон газрууд:

Харилцаа холбооны зохицуулах хороо, Мэдээллийн технологи, шуудан харилцаа холбооны газрын дарга, мэргэжилтнүүд, МҮОНР-ийн дарга, техникийн хэлтсийн дарга, Хурд агентлагийн захирал,Оюуны өмчийн газрын Аж үйлдвэрийн өмч, Зохиогчийн  эрхийн  хэлтсийн дарга, ШУТИС-ийн МХТС –ийн багш, Орон нутгийн телевизүүдийн холбоо, Орон нутгийн Кабелийн телевизүүдийн холбооноос оролцож холбогдох сэдвээр илтгэл тавилаа.

Семинараар хэлэлцсэн асуудлыг тоймлон хүргэвэл:

  1. Тоон технологийн шилжилттэй холбоотой бодлого, зохицуулалтын асуудлууд тухайлбал тоон технологийн үндэсний хөтөлбөрийн хэрэгжилт, Зохицуулах хорооноос тоон телевизийн радио, давтамжийн зохицуулалт, тоног төхөөрөмжийн баталгаажуулалтын асуудлуудаар Харилцаа холбооны зохицуулах хороо, Мэдээллийн технологи, шуудан, харилцаа холбооны газрын холбогдох дарга, мэргэжилтнүүд хийж, өргөн хүрээтэй танилцуулга тавьж, асуулт хариулт өрнүүллээ.
  2. Тоон технологийн орчинд тоон телевизийн студи, тоног төхөөрөмжинд тавигдах шаардлага, тоног төхөөрөмжийн шийдлийн талаар ШУТИС, МХТС-ийн багш Б.Пүрэвцэрэн сонирхолтой илтгэл тавилаа.
  3. Зохицуулах хорооны дотоод үйл ажиллагааны зохион байгуулалтын өөрчлөлт, тусгай зөвшөөрөл олголт, сунгалтанд анхаарах асуудлууд
  4. Телевизийн өргөн нэвтрүүлгийн бүх үйлчилгээ эрхлэгчдээс хүлээн авсан статистик тайлан мэдээнд үндэслэн гаргасан судалгаа, Телевизийн өргөн нэвтрүүлгийн үйлчилгээний зах зээлийн багтаамж, статистик тайлан (ХХЗХ)
  5. Зохицуулах хорооноос Ази Номхон Далайн бүсийн Өргөн нэвтрүүлгийн байгууллагаас өргөн нэвтрүүлгийн хууль эрхзүй, зохицуулалтын орчинг сайжруулах чиглэлээр зөвлөх үйлчилгээ авсны дагуу боловсруулж гаргасан Өргөн нэвтрүүлгийн хуулийн төслийн танилцуулга, Монгол улсын нутаг дэвсгэрт телевиз, радиогийн өргөн нэвтрүүлэг хүргэхэд тавигдах нөхцөл шаардлага”-ын төсөл, шинэчлэн батлагдсан “Өргөн нэвтрүүлгийн зохицуулалт, нөхцөл шаардлага” зэрэг хуулийн төсөл, зохицуулалтын баримт бичгүүдийг танилцуулж, төслүүдийг хэлэлцэж, санал авлаа.
  6. Орон нутгийн телевиз, радиогийн холбооноос орон нутгийн үйлчилгээ эрхлэгчдэд тусгай зөвшөөрлийн нөхцөл шаардлагын хэрэгжилт, тоон технологийн шилжилтийн хүрээнд тулгамдаж буй асуудлуудаа танилцууллаа.
  7. МҮОНР-гоос Богино долгионы фм радиогийн  онцлог, хөгжлийн өнөөгийн түвшин, Монголын радиогийн программ хангамж, техник тоног төхөөрөмжийн өнөөгийн байдал, богино долгионы фм радиогийн студийн тоног төхөөрөмж, ба техникийн шийдэл, олон улсын радио сэтгүүлзүйн талаар сонирхолтой илтгэлүүүд тавьж оролцогчдын сонирхсон асуултад хариуллаа.
  8. Дэлхийн оюуны өмчийн өдөр 4-р сарын 26-нд болж байгаатай холбогдуулан орон нутгийн өргөн нэвтрүүлгийн үйлчилгээ эрхлэгчдийн удирдлагуудад Оюуны өмчийн газрын Аж үйлдвэрийн өмч, Зохиогчийн  эрхийн  хэлтсийн дарга хатагтай Э.Мягмардорж “Телевиз, радиогийн байгууллага дахь зохиогчийн эрхийн асуудал” сэдвээр сонирхолтой илтгэл тавьж сонирхсон асуултад дэлгэрэнгүй хариулт өглөө.

Түүнчлэн семинарын төгсгөлд Орон нутгийн телевиз, радиогийн холбоо өөрийн үйл ажиллагааг танилцуулж, орон нутгийн телевиз, радио, ОСДҮ эрхлэгчдийн цаашдын хамтын ажиллагааг сайжруулах асуудлаар хуралдаж, холбооныхоо бүсийн тэргүүн нарыг сонголоо.

Семинарт оролцогчдын зүгээс өргөн нэвтрүүлгийн бодлого,зохицуулалтын чиглэлээр санал зөвлөмж гаргалаа.

Семинарын үр дүн, цаашид анхаарах асуудлын тухайд:

Семинарын төгсгөлд 50 орчим оролцогчдоос семинарын үр дүнгийн талаар асуусан санал асуулгад оролцогчдын 92% нь семинараас хүссэн мэдээллээ авсан, оролцогчдын 52 % нь семинарын үр өгөөжийг сайн гэж дүгнэсэн бол 46 % нь хангалттай гэж дүгнэсэн байна. Оролцогчдын зүгээс цаашид зохион байгуулах семинартаа  дараах сэдэв, чиглэлүүдээс оруулах сонирхолтой байгаагаа илэрхийлсэн байна. Үүнд:  

  • Контент үйлдвэрлэлт, бүтээл хөгжүүлэх талаар сургалт авах,: гадаад дотоодын студи, продакшнтай холбогдож хамтран ажиллах, харилцан туршлага судлах  боломжийг бүрдүүлэх,
  • Шинээр гарч буй текник, технологи, бодлого зохицуулалтын талаар тухай бүр сургалт мэдээлэл авах
  • Ямар стандарт шаардлага хангасан ямар төхөөрөмжийг хаанаас авах боломжтой талаар, үйлдвэрлэгч, нийлүүлэгчийн үнийн саналын талаар  мэдээлэл авах
  • Орон нутгийн холбоод орон нутгийн үйлчилгээ эрхлэгчдийн мэргэжлийн боловсон хүчний чадавхийг дээшлүүлэхэд мэргэжлиийн чиглэл бүрээр тус тусад нь сургалт, семинар явуулах ажлыг зохион байгуулах

Шүүмжлэлийн тухайд:

  • Семинарт ДДэш ХХК, Юнивишн, Скаймедиа зэрэг томоохон үйлчилгээ эрхлэгчид, РТС УТҮГ, МХС ХХК-г оролцуулсан бол сайн байсан
  • Хөтөлбөрийг гаргахдаа орон нутгийн холбоодын саналыг тусгавал илүү  үр өгөөжтэй болно гэж хариулсан байлаа.

С.Дашбалбар
ШИНЭЧЛЭГДСЭН: 2015/05/11
Мэдээ мэдээлэл
Харилцаа холбооны зохицуулах хорооны нэрэмжит 2019 оны улсын аварга шалгаруулах “Үнэг агналтын тэмцээн”
Радио сонирхогчийн нэвтрүүлэгч олох буюу үнэг агналтын Улсын аврага тэмцээн 2019 оны 9-р сарын 7, 8-ны өдрүүдэд Бага Баян цогцолборын орчимд амжилттай явагдаж өндөрлөлөө. Энэ тэмцээнд нийт 10 гаруй багийн 35 тамирчин оролцож, W19/W35, M19/M40, W21, М21 насны ангилалд мэдлэг, ур чадвар, мэдрэмж, хүч чадлаараа уралдлаа.
09.19
WRC19-Д бэлтгэх Ази-номхон далайн цахилгаан холбооны байгууллагуудын урьдчилсан байр суурь батлагдлаа
Олон Улсын Цахилгаан Холбооны Байгууллага (ОУЦХБ)-аас 2019 оны 10 сарын 28-наас 11 сарын 22-ны хооронд Египет улсын Шарм Эл-Шейх хотод зохион байгуулагдах Дэлхийн Радио Холбооны Их Хуралд (ДРИХ) бэлтгэх Ази-Номхон Далайн Цахилгаан холбооны гишүүн байгууллагуудын 5 дахь удаагийн уулзалт 2019 оны 7 сарын 31-ээс 8 сарын 6-ны хооронд Япон улсын Токио хотноо Япон улсын Харилцаа холбоо ба Дотоод хэргийн яамны дэмжлэгтэйгээр зохион байгуулагдлаа.
09.18
“Радио өргөн нэвтрүүлгийг тоон системд шилжүүлэх нь” сэдэвт олон улсын форум амжилттай болж өнгөрлөө
“Радио өргөн нэвтрүүлгийг тоон системд шилжүүлэх нь” сэдэвт олон улсын форум амжилттай болж өнгөрлөө
09.18
ХАРИЛЦАА ХОЛБООНЫ ХӨГЖИЛ – 2019 БҮСИЙН ЗӨВЛӨГӨӨН
Харилцаа холбооны зохицуулах хорооноос жил бүр зохион байгуулдаг Харилцаа холбооны хөгжил сэдэвт бүсийн зөвлөгөөнийг энэ удаад Сүхбаатар аймгийн төв Баруун- Урт суманд 2019 оны 9 сарын 12,13 ний өдрүүдэд зохион байгууллаа
09.15
“Харилцаа холбооны хөгжил-2019” Бүсийн зөвлөгөөн
“Харилцаа холбооны хөгжил- 2019” сэдвийн дор төр болон хувийн хэвшлийн байгууллага тусгай зөвшөөрөл эзэмшигчид, хувь хүмүүст зориулан Сүхбаатар аймгийн Баруун-урт хотноо зохион байгуулахаар бэлэн болоод байна. Уг зөвлөгөөн хэлэлцүүлэгт Монгол улсын зүүн бүсийн аймгуудын Мэдээлэл, харилцаа холбоо, технологийн үйлчилгээ явуулж буй аж ахуй нэгж байгууллага, иргэдийн нийт 130 гаруй зочид, төлөөлөгчид оролцох юм.
09.10
2019 оны 2 дугаар улирал
2019 оны 2 дугаар улирал
09.03
Мониторингийн 2019 оны 5,6 дугаар сарын тайлан
Мониторингийн 2019 оны 5,6 дугаар сарын тайлан
08.27
Харилцаа холбооны зохицуулах хорооны 2019 оны ээлжит 8 дугаар хуралдааны мэдээлэл
Монгол Улсын Харилцаа холбооны зохицуулах хорооны 2019 оны ээлжит 8 дугаар хуралдааныг 2019 оны 8 дугаар сарын 19-ний өдөр зохион байгуулав.
08.26