Даргын мэндчилгээ
ХХЗХ
 

Харилцаа холбооны зохицуулах хорооны цахим хуудсаар зочилсон Танд энэ өдрийн мэндийг хүргэе.

Миний бие,  Монгол Улсын мэдээллийн технологи, харилцаа холбооны салбарын зохицуулагч болох Харилцаа холбооны зохицуулах хороог удирдан ажиллахаар томилогдож 2018 оны 9 дүгээр сарын 25-наас эхлэн ажиллаж байна.

Тус хороо нь Монгол Улсын хуульд заасан үндсэн чиг үүрэг, бүрэн эрхийн дагуу  мэдээлэл, харилцаа холбооны салбарт төрөөс баримтлах бодлого, хууль тогтоомжийн хүрээнд шинэ дэвшилтэт техник, технологийг нийгэм, эдийн засгийн бүхий л салбарт нэвтрүүлэх, эрх зүй, эдийн засгийн оновчтой зохицуулалтаар хангаж иргэдэд төрийн болон мэдээлэл харилцаа холбооны төрөл бүрийн хэрэглээ, үйлчилгээг чанарын өндөр түвшинд хүргэх, тэдгээрийн хүртээмжийг сайжруулах, шударга өрсөлдөөний нөхцөлийг бүрдүүлэх ажлыг хэрэгжүүлж ажилладаг.

Бид, зохицуулах байгууллагын үйл ажиллагааны  ил тод, нээлттэй байдлыг ханган  хариуцлагатай, чадварлаг, шуурхай, шударга  байх зарчмыг үнэт зүйлсээ болгон цахим орчны мэдээллийн аюулгүй байдлыг хангах, өргөн зурвасын үйлчилгээ, хэрэглээг нэмэгдүүлж мэдээллийг хүртэх тоон хуваагдлыг багасгах, өргөн нэвтрүүлэг,  контентийг хөгжүүлэх, хэрэглэгчийн мэдээллийн технологийн боловсролыг дээшлүүлэхэд чиглэсэн зохицуулалтыг хийж ажиллах болно.

Салбарын зохицуулах байгууллага үүсч хөгжсөн 20 гаруй жилийн хугацаанд зохицуулах байгууллагын удирдлагын багуудын хийж гүйцэтгэсэн өргөн цар хүрээтэй бодлого, зохицуулалтын шийдвэрүүд, хэрэгжүүлсэн төслүүд, зөв зүйтэй санаачилгуудыг үргэлжлүүлэх, засч боловсронгуй болгоход зөвшөөрөл эзэмшигчид, мэргэжлийн байгууллага, ахмад үеийн холбоочид, хэрэглэгчдийн санал зөвлөмжийг сонсож тэдэнтэй хамтран ажиллахыг зорьж байна.   

Мэдээллийн технологийн хөгжлийн эрин үед тус салбарын зохицуулалтын тулгамдсан асуудлуудыг шийдэхэд техник, технологийн оновчтой шийдлийг ашиглаж буй хөгжингүй улс орнуудын зохицуулах байгууллагын жишиг, туршлагыг судалж хэрэгжүүлэх, эрх зүйн орчныг сайжруулах чиглэлээр идэвх зүтгэл гарган ажиллах, салбарын үйлчилгээ эрхлэгчдийн зохистой үйл ажиллагааг дэмжин, хэрэглэгчийн эрх ашигт илүү нийцсэн үйлчилгээг бий болгохыг нэн тэргүүний зорилтоо болгон ажиллах болно.    

Та бүхэнд  амжилт, сайн сайхан бүхнийг хүсье! 

 

Харилцаа холбооны зохицуулах хорооны Дарга           Г.ЧИНЗОРИГ

С.Дашбалбар
ШИНЭЧЛЭГДСЭН: 2018/11/21
Мэдээ мэдээлэл
Харилцаа холбооны зохицуулах хорооны нэрэмжит 2019 оны улсын аварга шалгаруулах “Үнэг агналтын тэмцээн”
Радио сонирхогчийн нэвтрүүлэгч олох буюу үнэг агналтын Улсын аврага тэмцээн 2019 оны 9-р сарын 7, 8-ны өдрүүдэд Бага Баян цогцолборын орчимд амжилттай явагдаж өндөрлөлөө. Энэ тэмцээнд нийт 10 гаруй багийн 35 тамирчин оролцож, W19/W35, M19/M40, W21, М21 насны ангилалд мэдлэг, ур чадвар, мэдрэмж, хүч чадлаараа уралдлаа.
09.19
WRC19-Д бэлтгэх Ази-номхон далайн цахилгаан холбооны байгууллагуудын урьдчилсан байр суурь батлагдлаа
Олон Улсын Цахилгаан Холбооны Байгууллага (ОУЦХБ)-аас 2019 оны 10 сарын 28-наас 11 сарын 22-ны хооронд Египет улсын Шарм Эл-Шейх хотод зохион байгуулагдах Дэлхийн Радио Холбооны Их Хуралд (ДРИХ) бэлтгэх Ази-Номхон Далайн Цахилгаан холбооны гишүүн байгууллагуудын 5 дахь удаагийн уулзалт 2019 оны 7 сарын 31-ээс 8 сарын 6-ны хооронд Япон улсын Токио хотноо Япон улсын Харилцаа холбоо ба Дотоод хэргийн яамны дэмжлэгтэйгээр зохион байгуулагдлаа.
09.18
“Радио өргөн нэвтрүүлгийг тоон системд шилжүүлэх нь” сэдэвт олон улсын форум амжилттай болж өнгөрлөө
“Радио өргөн нэвтрүүлгийг тоон системд шилжүүлэх нь” сэдэвт олон улсын форум амжилттай болж өнгөрлөө
09.18
ХАРИЛЦАА ХОЛБООНЫ ХӨГЖИЛ – 2019 БҮСИЙН ЗӨВЛӨГӨӨН
Харилцаа холбооны зохицуулах хорооноос жил бүр зохион байгуулдаг Харилцаа холбооны хөгжил сэдэвт бүсийн зөвлөгөөнийг энэ удаад Сүхбаатар аймгийн төв Баруун- Урт суманд 2019 оны 9 сарын 12,13 ний өдрүүдэд зохион байгууллаа
09.15
“Харилцаа холбооны хөгжил-2019” Бүсийн зөвлөгөөн
“Харилцаа холбооны хөгжил- 2019” сэдвийн дор төр болон хувийн хэвшлийн байгууллага тусгай зөвшөөрөл эзэмшигчид, хувь хүмүүст зориулан Сүхбаатар аймгийн Баруун-урт хотноо зохион байгуулахаар бэлэн болоод байна. Уг зөвлөгөөн хэлэлцүүлэгт Монгол улсын зүүн бүсийн аймгуудын Мэдээлэл, харилцаа холбоо, технологийн үйлчилгээ явуулж буй аж ахуй нэгж байгууллага, иргэдийн нийт 130 гаруй зочид, төлөөлөгчид оролцох юм.
09.10
2019 оны 2 дугаар улирал
2019 оны 2 дугаар улирал
09.03
Мониторингийн 2019 оны 5,6 дугаар сарын тайлан
Мониторингийн 2019 оны 5,6 дугаар сарын тайлан
08.27
Харилцаа холбооны зохицуулах хорооны 2019 оны ээлжит 8 дугаар хуралдааны мэдээлэл
Монгол Улсын Харилцаа холбооны зохицуулах хорооны 2019 оны ээлжит 8 дугаар хуралдааныг 2019 оны 8 дугаар сарын 19-ний өдөр зохион байгуулав.
08.26