Радио давтамжийн зурвасын төлөвлөлт
ХХЗХ
Үндэсний радио давтамжийн төлөвлөлт, хуваарилалт

Монгол Улсын үндэсний радио давтамжийн төлөвлөлт хуваарилалт нь Монгол Улсын “Харилцаа холбооны тухай хууль”, Монгол Улсын “Радио долгионы тухай хууль”-д заагдсны дагуу эрх бүхий байгууллагаас батлагдаж мөрдөгддөг. Үндэсний радио давтамжийн төлөвлөлт, хуваарилалтын үндэс нь Дэлхийн Радиогийн Их Хурлаас (ДРИХ) батлагдаж олон улсад даган мөрдөгддөг Олон улсын радиогийн дүрэм юм. Монгол Улсын радио давтамжийн зурвасын төлөвлөлт, хуваарилалт, хэрэгжилтэд хяналт тавих, олон улсын байгууллагад санал хүргүүлэх, үйлчилгээ эрхлэгч байгууллагуудын радио давтамжийн ашиглалт, тэдгээртэй холбоотой техникийн болон бусад мэдээллийг шинээр бүртгэх, бүртгэгдсэн мэдээллийг хадгалах харилцааг харилцаа холбооны асуудал эрхэлсэн төрийн захиргааны байгууллагын даргын тушаалаар баталсан “Радио давтамжийн зурвасыг ашиглах, төлөвлөх, хуваарилах журам”, “Радио давтамжийн хуваарилалтын нэгдсэн бүртгэл хөтлөх журам”-аар тус тус зохицуулдаг.

Цааш үргэлжлүүлэх . . .

Олон улсын радио давтамжийн төлөвлөлт

Радио долгион тархах чөлөөт орон зай нь улс гүрнүүдийн хил хязгаараас үл хамаарч байдаг. Иймд радио давтамжийн олон улсын зохицуулалт, төлөвлөлтийг Олон Улсын Цахилгаан Холбооны Байгууллагын Радио холбооны салбар (ОУЦХБ-Р) хангадаг. Ашиглагдаж байгаа радио давтамжууд нь олон улсын төлөвлөлт, радиогийн дүрэм (RR) болон бусад эрх зүйн баримт бичгүүдээр зохицуулагдаж байдаг. ОУЦХБ-ын Радио холбооны салбар (ITU-R) нь олон улсын радио давтамжийн спектрийн хуваарилалт, менежмент болон сансрын холбооны хиймэл дагуулын тойрог замыг суурин холбоо, хөдөлгөөнт холбоо, өргөн нэвтрүүлэг, сансар судлал, онц байдлын холбоо, цаг уур орчны судалгаа зэрэгт радио давтамжийг үр ашигтай хуваарилах, зохицуулалт хийх гол үүргүүдийг гүйцэтгэдэг. Олон улсын радиогийн дүрмийг Дэлхийн радио холбооны их хурлаар (ДРИХ) баталдаг. ДРИХ нь 3-4 жил тутамд хуралдаж техник технологийн өөрчлөлттэй холбоотойгоор радиогийн дүрэмд зохих өөрчлөлтүүдийг оруулж баталдаг ОУЦХБ-Р –ийн дээд хэмжээний уулзалт юм.

Цааш үргэлжлүүлэх . . .

Радио холбооны үйлчилгээнүүд

Онолын хувьд агаарын орон зайд тархаж байгаа 8.3 кГц-300 ГГц хүртэлх цахилгаан соронзон долгионыг харилцаа холбооны үйлчилгээнүүдэд ашиглах боломжтой. Радио долгион ашиглаж  байгаа үйлчилгээнүүдийг “Монгол Улсын үндэсний радио давтамжийн хуваарилалтын хүснэгт”-ийн 1 дүгээр бүлэгт тодорхойлсон байдаг. Радио холбооны үйлчилгээнүүдийг хиймэл дагуулын холбооны, газрын холбооны гэж 2 ангилна. ОУЦХБ-аас хиймэл дагуулын холбооны зохицуулалт (satellite service regulation), газрын холбооны системийн зохицуулалт (terrestrial service regulation) гэсэн  зохицуулалтын  ажиллагаа хийгддэг. Эдгээр үйлчилгээнүүдийг хил хязгааргүй тархаж байгаа радио долгионы харилцан нөлөөлөлд өртөхөөс хамгаалж Олон Улсын Радио Давтамжийн Мастер Бүртгэл (MIFR-Master International Frequency Registration) гэж нэрлэгдэх олон улсын нэгдсэн мэдээллийн баазыг ажиллуудаг.

Цааш үргэлжлүүлэх . . .

ОУЦХБ-ын радио давтамжийн бүсүүд

ОУЦХБ-аас зохицуулалтыг оновчтой хялбар байдлаар хэрэгжүүлэхийн тул дэлхийн нийт газар нутгийг 3 бүст хуваадаг. 1-р бүс: 1-р бүс нь Зүүнээс А зурвас хүртэл, Баруунаас В зурвас хүртэл орон зайг хамрана. Уг хязгааруудын дунд орших Исламын Бүгд Найрамдах Иран Улсын газар нутаг орохгүй бөгөөд Армен, Азербайжан, ОХУ, Гүрж, Казахстан, Монгол, Тажикстан, Туркменистан, Турк, Украйны газар нутаг бүхэлдээ, А-аас С зурвасын дунд орших ОХУ-ын хойд хэсгийн газар нутаг орно.

2-р бүс: 2-р бүс нь Зүүнээс В зурвас хүртэл, Баруунаас С зурвас хүртэл орон зайг хамрана.

3-р бүс: 3-р бүс нь Зүүнээс С зурвас хүртэл, Баруунаас А зурвас хүртэл орон зайг хамрана. Армен, Азербайжан, ОХУ, Гүрж, Казахстан, Монгол, Узбекстан, Киргиз, Тажикстан, Туркменистан, Турк, Украйны газар нутаг болон ОХУ-ын хойд хэсгийн газар нутаг орохгүй. Эдгээр хязгаарлалтаас гадна Исламын Бүгд Найрамдах Иран Улсын газар нутгийн зарим хэсэг багтана.

Цааш үргэлжлүүлэх . . .

 

С.Дашбалбар
ШИНЭЧЛЭГДСЭН: 2017/05/09
Бусад мэдээлэл
Мэдээ мэдээлэл
“Цахим орчны хүүхэд хамгаалал” форум болно
Харилцаа холбооны зохицуулах хороо болон НҮБ-ын Хүүхдийн сан хамтран “Цахим орчны хүүхэд хамгаалал” форумыг 2019 оны 10 дугаар сарын 22-ны өдөр зохион байгуулах гэж байна
10.18
РӨН-ийн үйлчилгээ эрхлэгчдэд 2019 оны 10-р сарын эхний хагаст хийсэн суурин хяналтын мэдээ
РӨН-ийн үйлчилгээ эрхлэгчдэд 2019 оны 10-р сарын эхний хагаст хийсэн суурин хяналтын мэдээ
10.17
Зүүн бүсийн аймгуудад үйл ажиллагаа явуулж буй үйлчилгээ эрхлэгчдийн үйл ажиллагаанд хяналт, шалгалтыг хийлээ
Улаанбаатар хотын алслагдсан Налайх, Багануур, Багахангай дүүргүүд болон Дорноговь аймгийн Сайншанд, Замын-Үүд сумд, Говьсүмбэр, Дорнод, Хэнтий, Сүхбаатар аймгуудад үйл ажиллагаа явуулж буй тус хорооноос тусгай зөвшөөрөлтэй үйлчилгээ эрхлэгчдийн үйл ажиллагааг газар дээр нь шалгаж, холбогдох хууль тогтоомж түүнд нийцүүлэн гаргасанжурам, нөхцөл шаардлагын биелэлт болон тусгай зөвшөөрлийн гэрээний хэрэгжилтийн байдалд хэмжилт, шалгалтыг хийж, зөрчлөөс урьдчилан сэргийлэх, илэрсэн зөрчлийг арилгах, таслан зогсоох, шударга өрсөлдөөнийг бий болгох зорилгоор шалгалтыг 2019 оны 08-р сарын 21-нээс 31-ний өдрүүд, 09-р сарын 4-нөөс 16-ны өдрүүдэд хийж гүйцэтгэлээ.
10.16
MNS ISO IEC 17065:2013 стандартад нийцүүлэн боловсруулсан Чанарын тогтолцооны багц журмын төсөл болон Чанарын гарын авлагын төсөлд санал авч байна
Харилцаа холбооны зохицуулах хорооны баталгаажуулалтын үйл ажиллагаанд гүйцэтгэх ажлын чиглэлийг тодорхойлох MNS ISO IEC 17065:2013 стандартад нийцүүлэн боловсруулсан Чанарын тогтолцооны багц журмын төсөл болон Чанарын гарын авлагын төсөлд санал авч байна
10.16
Монгол Улс БНХАУ-тай хил орчмын радио давтамжийн зохицуулалтын гэрээ байгууллаа
Монгол Улс болон Бүгд Найрамдах Хятад Ард Улс хоорондын хил орчмын радио давтамжийн зохицуулалтын хүрээнд III уулзалт 2019 оны 10 дугаар сарын 9-нөөс 11-ний өдрүүдэд Бүгд Найрамдах Хятад Ард Улсын Бээжин хотноо болж өнгөрлөө.
10.16
Бусдад зөв мэдээллийг түгээе
Цахим орчин, нийгмийн сүлжээнд нийтэлсэн аливаа худал хуурмаг мэдээлэл нь өвсөнд гал тавихтай адил хурдан тархаж, олон нийтийн санаа бодлыг үймүүлэх, төөрөлдүүлэх, улмаар нийгмийн эмх замбараагүй байдал үүсэж, үндэсний аюулгүй байдалд сөргөөр нөлөөлөх хүртэл хор уршигтай. Тиймээс та аливаа мэдээллийг бусдад түгээхээсээ өмнө fake news буюу худал мэдээлэл мөн эсэхийг нягтлан шалгаж сураарай. Зөвхөн зөв мэдээллийг л бусдад түгээцгээе.
10.14
Сургалт зохион байгуулах тухай
Харилцаа холбоо, мэдээллийн технологийн салбарын мэргэжилтэнд мэргэшлийн зэрэг олгох сургалтыг тус сургууль дээр 2019 оны 10-р сарын 30-ээс 12 сарын 5-ны хооронд зохион байгуулахаар төлөвлөж байна. Энэ удаагийн сургалтаар зөвлөх болон мэргэшсэн инженерийн сургалт, сунгалтыг хийнэ.
10.14
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 09-р сард хийсэн мониторингийн дүн
Улаанбаатар хотод хэт богино долгионы (FM) радио өргөн нэвтрүүлгийн үйлчилгээ эрхлэгчдийн хөтөлбөрийн нөхцөл шаардлагын биелэлтэд 2019 оны 09-р сард хийсэн мониторингийн дүн
10.11
Санал асуулга явагдаж байна. Та бүхэн идэвхитэй оролцохыг урьж байна
Энэхүү санал асуулга нь тусгай дугаарын үйлчилгээ эрхлэгчдийн үйлчилгээний чанар болон хэрэглэгчдийн сэтгэл ханамжийг тодорхойлох, үнэ тарифын зохистой байдлыг илрүүлэх зорилготой юм.
10.11
Цахим орчинд Зөвийг түгээе
Нийгмийн сүлжээ нь бусдад үзүүлэх нөлөөллийн хувьд хүчирхэг хэрэгсэл тул олон нийтийн санаа бодлыг эргүүлэн өөрчлөх эсвэл чиглүүлэн төлөвшүүлэх зорилгоор компанит ажил өрнүүлж ашигладаг. Энэ жишээг 2016 онд болсон АНУ-ын ерөнхийлөгчийн сонгуулиас бэлхэн харж болно. Тиймээс хүн бүхэн дор бүрнээ зөвийг дэмжиж, сайныг түгээвэл нийгэмд эерэг өөрчлөлт авчирч, сайн сайхны эхлэлийг тавих боломжтой. Өөрөөр хэлбэл аливаа хар барааныг багасгая гэвэл эерэг, гэгээлэг бүхнийг түгээн дэлгэрүүлэхэд болох аж.
10.09