Мэдээлэл холбооны сүлжээ
ХХЗХ

Монгол Улс харилцаа холбооны салбарт бүтцийн өөрчлөлт хийж, зах зээлийг либеральчлах, цахилгаан холбооны үндсэн сүлжээг тоон технологид шилжүүлэх зэргээр салбарын шинэчлэлийн бодлогын хүрээнд сүлжээний ашиглалт эзэмшлийг холбооны үйлчилгээ явуулах бизнес ажиллагаанаас салгах бүтцийн өөрчлөлтийн чиглэлийг УИХ 2005 онд баталсан. Монгол Улсын Засгийн Газар 2006 оны 8 сараас тогтоол, шийдвэрийг хэрэгжүүлэн МЦХ ХК-ийн төрийн өмчийн сүлжээг онцгой эрхтэйгээр түрээслэх эрхийг цуцлаж, зөвхөн сүлжээний үйлчилгээ эрхлэх төрийн өмчийн Мэдээлэл холбооны сүлжээ ХХК-ийг байгуулан ажиллаж байна.

Мэдээллийн технологийн шинэ төрлийн үйлчилгээ, хэрэглээг хөгжүүлэх зорилгоор харилцаа холбооны үндсэн сүлжээг хот, аймаг, сум, суурин газруудын түвшинд өндөр хурдны, өргөн зурвасын мэдээлэл дамжуулах боломжийг бүрдүүлэх чиглэлээр одоогийн байгаа сүлжээгээ өргөтгөн шинэчлэх, түүнд түшиглэн мэдээллийн технологид тулгуурласан хэрэглээнүүдийг хөгжүүлэх тоон технологийн ялгааг хот, хөдөөд арилгах чиглэлийг Засгийн газрын үйл ажиллагааны хөтөлбөрт тусган Засгийн газрын 2011 оны 145 дугаар тогтоолоор “Өндөр хурдны өргөн зурвасын сүлжээ үндэсний хөтөлбөр” батлан хэрэгжүүлж байна.

Харилцаа Холбооны Зохицуулах Хороо нь харилцаа холбооны үндсэн сүлжээг нэгдсэн бодлогоор хөгжүүлэх, салбарын эдийн засгийн урт хугацааны үр өгөөжийг нэмэгдүүлэх, сүлжээний давхардлыг арилгах, бусад сүлжээтэй харилцан холболт хийх, сүлжээний аюулгүй байдлыг хангах чиглэлээр “Монгол Улсын Мэдээлэл, холбооны сүлжээний зохицуулалт”-ын баримт бичгийг тус хорооны 2013 оны 26 дугаар тогтоолоор батлан, шинээр сүлжээ байгуулах, ашиглах, өргөтгөх үйл ажиллагаанд зохицуулалт хийн ажиллаж байна.

Харилцаа холбооны сүлжээ, дэд бүтэц байгуулах, эзэмших, ашиглахтай холбоотой “А” ангиллын тусгай зөвшөөрлийг дараахь төрлөөр олгоно.

  • Мэдээлэл холбооны сүлжээ

Монгол Улсын нутаг дэвсгэр дээр нийтийн үйлчилгээнд зориулан мэдээлэл, холбооны үндсэн сүлжээ (улс, хот хоорондын дамжуулах болон орон нутгийн сүлжээ) байгуулж, түрээслүүлэх, ашиглалт үйлчилгээг үзүүлэх  

  • Радио, телевизийн газрын дахин дамжуулах сүлжээ

Радио, телевизийг нэвтрүүлэх, орон нутагт дахин дамжуулан нэвтрүүлэх сүлжээ, дэд бүтэц байгуулж, ашиглалт үйлчилгээ үзүүлэх

  • Сансрын холбооны сүлжээ

Сансрын хиймэл дагуулын газрын станц бүхий сүлжээ, дэд бүтэц байгуулж, харилцаа холбооны үйлчилгээ үзүүлэхМонгол Улсад мэдээлэл холбооны сүлжээ байгуулах, эзэмших, ашиглах, хөгжүүлэх болон түүнийг ашиглан үйлчилгээ эрхлэхтэй холбогдон үүсэх харилцааг Монгол Улсын Харилцаа холбооны тухай, Радио долгионы тухай хууль, Өрсөлдөөний тухай хууль болон бусад холбогдох хууль, эрхзүйн баримт бичгүүдэд нийцүүлэн зохицуулна.

Зохицуулалтын баримт бичиг, нөхцөл шаардлагууд:

С.Дашбалбар
ШИНЭЧЛЭГДСЭН: 2018/01/30
Мэдээ мэдээлэл
Улаанбаатар хотын баруун бүсийн болон барилга угсралтын үйл ажиллагаа явуулж байгаа аж ахуйн нэгж, байгууллагуудад хийсэн шалгалтын тайлан
Хорооны даргын 2018 оны 05 дугаар сарын 21-ний өдрийн А/113 тоот тушаалын дагуу Улаанбаатар хотод барилга угсралтын үйл ажиллагаа явуулж байгаа, аж ахуй нэгж, байгууллагуудын дотоод үйл ажиллагаандаа болон өргөгч цамхаг, тэдгээрийн харуул хамгаалалт, мөн хяналт хийх бүсэд орших дүүргүүдийн аж ахуйн нэгж байгууллагуудын үйл ажиллагаанд ашиглаж байгаа радио тоног төхөөрөмжүүдийн ашиглалтын байдалд хэмжилт шалгалт хийж Монгол Улсын “Аж ахуйн үйл ажиллагааны тусгай зөвшөөрлийн тухай хууль”, “Харилцаа холбооны тухай хууль”, “Радио долгионы тухай хууль” тогтоомжууд түүнтэй нийцүүлэн гаргасан дүрэм, журам, стандарт болон технологийн норм, горимыг мөрдүүлэх, хэрэгжүүлэх, мэргэжил арга зүйн зөвлөгөө өгөх, илэрсэн зөрчил дутагдлыг арилгуулахад оршино.
09.07
Төв, Сэлэнгэ, Булган, Дархан-Уул аймгуудын уул уурхайд хийсэн хэмжилт шалгалтын ажлын тайлан
Төв, Сэлэнгэ, Булган, Дархан-Уул аймгуудын нутаг дэвсгэрт уул уурхай, ашигт малтмалын чиглэлээр үйл ажиллагаа явуулж байгаа аж ахуйн нэгж, байгууллагууд болон хувь хүмүүсийн ашигладаг радио тоног төхөөрөмжүүдийн ашиглалтын байдалд хэмжилт шалгалт хийж, Монгол Улсын “Харилцаа холбооны тухай хууль”, “Радио долгионы тухай хууль” тогтоомжууд түүнтэй нийцүүлэн гаргасан дүрэм, журам, стандарт болон технологийн норм, горимыг мөрдүүлэх, хэрэгжүүлэх, мэргэжил арга зүйн зөвлөгөө өгөх, илэрсэн зөрчил дутагдлыг арилгуулах.
09.07
РӨН-ийн үйлчилгээ эрхлэгчдэд 2018 оны 08-р сард хийсэн суурин хяналтын мэдээ
Тус хорооны Радио долгион хяналтын төвөөс хэт богино долгионы /FМ/ радио өргөн нэвтрүүлгийн үйл ажиллагаа эрхлэгч байгууллагуудын MNS 4909:2000 “Давтамжийн модуляцтай (FM) хэт богино долгионы нэвтрүүлэгч (VHF), техникийн шаардлага” стандартыг хангуулах, технологийн норм, горимыг мөрдүүлэх, хэрэгжүүлэх, мэргэжил арга зүйн зөвлөгөө өгөх зорилгоор суурин хэмжилтийг тогтмол хийж байна.
09.07
Фэйсбүүк компанийн төлөөлөгчид Харилцаа холбооны зохицуулах хороон дээр ажиллалаа
Фэйсбүүк компанийн төлөөлөгчид Харилцаа холбооны зохицуулах хороон дээр ажиллалаа
09.05