Монгол Улсын Харилцаа холбооны зохицуулах хороо Дэлхийн банктай хамтран Мэдээлэл, харилцаа холбооны дэд бүтцийг хөгжүүлэх төслийг 2007 оноос хойш амжилттай хэрэгжүүлж, хамтран ажиллаж байна.
Энэхүү төслийн хүрээнд бүх нийтийн үйлчилгээний үүргийн сан байгуулах, бүх сумдад үүрэн холбооны үйлчилгээг бүрэн нэвтрүүлэх, хөдөөгийн холбоог сайжруулах зорилгоор 152 багт малчдын нийтийн холбооны үйлчилгээний цэг байгуулах, интернэтийн үйлчилгээг орон нутагт хүргэх зорилгоор 7 аймгийн 34 суманд интернэтийн үйлчилгээг хүргэх төслүүдийг амжилттай хэрэгжүүлсэн. Түүнчлэн радио давтамжийн хяналтын системийг шинэчлэх зорилгоор хөдөлгөөнт болон суурин, зөөврийн  хяналтын системийг шинээр байгуулах төслийн хэрэгжилтийг амжилттай зохион байгуулсан Харилцаа Холбооны зохицуулах хорооог Дэлхийн Банк өндрөөр үнэлж цаашдын хамтын ажиллагаанд амжилт хүссэн захидлыг  Дэлхийн банкны Монголыг хариуцсан захирал ирүүлсэн байна.